لیکنه : مولوي نورالحق مظهري/ تعلیم الاسلام ویب پاڼه

ژباړه: د عبدالله بن عمر رضي الله عنهما څخه روایت دی چي رسول الله صلی الله علیه وسلم وفرمایل: څلور خصلتونه دي چي کله په تا کښې موجود سي نو د دنیا هر شی چي ستا څخه ولاړ سي تاته تاوان نه کوي: د امانت ساتنه، په خبرو کي رښتیا ویل، ښه اخلاق، او په خوړو کي پاکي.

یعني دغه څلور خصلتونه چي د هر چا په برخه سي نور نو هغه سړی تاواني ندی که څه هم په دنیا کي د دنیا هر شی ورڅخه ولاړ سي او د لاسه یې ووځي:

۱ – د امانت ساتنه ده، فرق نلري که د الله پاک لخوا امانت وي او که د بل بنده لخوا.

۲ – په خبرو کي رښتیا ویل، د هر ډول درواغو څخه د ځان ساتنه.

۳ – ښه اخلاق غوره کول، په هره معامله کي چي وي.

۴ – د پاک خوراک پیدا کول او لټول، د حرام مال څخه ځان ساتل.

وَعَنْ عبدالله بن عمرُ أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: أَرْبَعٌ إِذَا كُنَّ فِيكَ فَلَا عَلَيْكَ مَا فَاتَكَ مِنَ الدُّنْيَا: حِفْظُ أَمَانَةٍ، وَصِدْقُ حَدِيثٍ، وَحُسْنُ خَلِيقَةٍ، وَعِفَّةٌ فِي طُعْمَةٍ. [شُعَبِ الْإِيمَانِ 4878]

www.taleemulislam.net