تعلیم الاسلام ویب پاڼه 

که څوک د کوم څیز پوښتنه کوي، نو لومړی د هغه خبره ښه په غورسره واوری، او ښه سوچ پری وکړی او ځواب ورکړی ، له سوچ کولو پرته د ( بینی بوشی لند ګند ) ځواب ورکول ډېره ناپوهی ده او که څوک د بل چا نه پوښتنه کوی نو تاسې پخپله د ځواب ورکولو کوښښ مه وکوي.

که څوک تاسې ته څه وایی نو لومړی ورته دا ونه وایاست چې ما ته معلومه ده کیدای سي چې د هغه له ويلو سره کومه نوې خبره هم تری واوری، یا د کومی ځانګړی خبری اغیز  مو پر زړه وسي، ځکه چې له خبری سره سره د خبری کوونکی اخلاص او نیکی هم اغیزه کوی .

 له هر چا سره چې خبری کوی د هغه عمر، رتبه او له هغه سره خپلی اړیکی په نظر کي ولري، او خبری ورسره وکړي، له مور، پلار، استاذ، او نورو لویانو سره د ملګرو په څېر خبری اتری مه کوی، همدا رنګه کوچنیانو سره خبری کوی ، نو خپل ځان ته په خیال کولو سره د مهربانی ، شفقت او لویانو خبری وکړی .

د خبرو اترو پر وخت اشاری مه کوی، چې نور بد ګومانه سی او خامخا یی په زړونو کې شک پیدا سي، د نورو خبري په چوپتیا سره واوری، او د چا خبرو ته پټ مه کینی 
( غوږ ورته مه نیسی).

د نورو خبری زیاتی اوری، او پخپله لږی خبری وکړی او چې کومه دراز خبره وي، هغه چاته بيان نه کړی، خپل راز نورو ته ویل او له هغه نه د حفاظت هیله لرل بیخی ناپوهی ده .

ماخذ : په اسلام کې د ژوندانه آداب 

www.taleemulislam.net