لیکنه : علي الله متوکل / تعلیم الاسلام ویب پاڼه

-که غواړی هوښیار و اوسی، نو:
خبري لږ وکړی؛ غوږ ډېر ونیسی او مطالعه زیاته کړی.

-که غواړی بریالي سی، نو:
غرور مه کوی، د ملګرتیا خیال وساتی او د خلکو په خبرو خوا مه بدوی.

-که غواړی پرمختګ وکړی، نو:
پر ځان باور ولری، کارونو کي مشوره کوی او د خلکو احسان منی.

-که غواړی کارونه مو اسانه سي، نو:
نورو ته خنډونه مه جوړوی، ملګرو باندي ږغ وکړی او پر الله جل جلاله توکُل وکړی .

-که غواړی عزت ولری، نو:
د تقوادارو خلکو سره ناسته ډېره کړی، لمونځ وکړی او استغفار وایاست.

-که غواړی خلک و بیروی، نو:
نو خپلي کمزوری او رازونه مه ورته وایاست او ډېر ور نژدې کېږی مه.

-که غواړی هیڅکله مات نه سی، نو:
پر هرچا باور مه کوی، خصوصا بیا پر هغو خلکو چي د الله څخه لیري وي.

-که غواړی د خلکو مینه ترلاسه کړی، نو:
زړه د اخلاصه مسکا وکړی، د منافقت نه او د خلکو مرسته وکړی.

www.taleemulislam.net