لیکنه: محمدنبي سلطاني/ تعلیم اسلام ویب پاڼه 

د ژوند په اړه غوره خبري 

• د هغه څه لپاره د لوی څښتن شکر اداکړی، چي درکړي ئې دي. 

• د سترو – سترو خوښیو پر ځای چي لاسرسی مو نه ورته کيږي، له کوچنیو خوښیو خوند واخلئ.

• سخت او مقید مه جوړېږئ، ځکه چي سختي ستاسي او نورو شاوخوا خلکو لپاره ژوند ستونزمن کوي.

• خپل ژوند د مادي شیانو په راټولولو مه لګوئ؛ تاسي نه پوهیږئ چي تاسي به څومره ژوند کوئ؛ د هغه فرصت څخه ګټه پورته کړئ چي لری ئې.

• په ځان باور ولرئ، ځکه دا باور کولای سي تاسي د نه منلو وړ لوړوالی ته ورسوي.

• خپل ځان، کورنۍ او د شاوخوا خلکو ته مو بخښنه وکړئ.

• ځان له هیچا سره مه پرتله کوئ؛ ځکه پرتله کول مو له خپل ژوند څخه ناراضه کوي.

• خپل ځان ته د هغه څه د ماتم فرصت مه ورکوی، چي له لاسه مو ورکړي.

• تل مثبت فکر ولرئ، ځکه مثبت فکر لروونکی کولای سي هرڅه سمبال کړي.

• د نوو کسانو سره دلیدلو او د نوو شیانو د لیدلو لیوالتیا ولرئ، ځکه چي پوهه او علم، هنر او ادب او ... ورڅخه زده کولای سي. 

• هوسا اوسئ او له ژوند څخه خوند واخلئ. د هغو شیانو په اړه اندیښنه مه کوئ چي تراوسه ندي پیښ سوي.

• په هر ډګر کي د زده کړو لپاره لیواله اوسئ؛ ځکه لیوالتیا ژوند په زړه پوري او خوشحاله کوي.