لیکنه: مولوي نورالحق مظهري/ تعلیم الاسلام ویب پاڼه

د جمعې د لمانځه د پرېښودلو عذاب

ابْنُ عَبَّاسٍ، وَابْنُ عُمَرَ, أَنَّهُمَا سَمِعَا النَّبِيَّ صَلَّى الله عَليْهِ وسَلَّمَ يَقُولُ عَلَى أَعْوَادِهِ: لَيَنْتَهِيَنَّ أَقْوَامٌ عَنْ وَدْعِهِمُ الْجَمَاعَاتِ، أَوْ لَيَخْتِمَنَّ اللَّهُ عَلَى قُلُوبِهِمْ، ثُمَّ لَيَكُونُنَّ مِنَ الْغَافِلِينَ.[سنن ابن ماجه۷۹۴]

ژباړه: عبدالله ابن عباس او عبدالله ابن عمر رضي الله عنهما فرمايي: موږ د رسول الله صلی الله عليه وسلم څخه واورېدل چي د منبر پر زينو يې ويل: يا به خلګ د جمعې د لمانځه پرېښودل پريږدي او يا به يې الله تعالی پر زړونو پرده لګوي چي بيا به دوی ارومرو د غافلينو څخه جوړيږي.
علماء کرامو ددې حديث په تشريح کي ليکلي دي چي پدې حديث کي د عذاب ذکر کېدل د جمعې د لمانځه ارزښت او لزوم په ډاګه کوي ځکه چي پر زړونو باندي پرده او غفلت پيدا کېدل د ګناه په سبب کيږي.

پر زړونو باندي د پردې د غوړېدلو او غفلت پيدا کېدلو هدف دا دی چي ددغه انسان زړه به نور د ښو کارونو د درک څخه محروم سي او پر سمه لار د روانېدلو څخه به بې برخي سي ځکه به نو په عمل کي د ښه او بد توپير نه کوي او نيکۍ کولو ته به هيڅ لېوالتيا نلري.

www.taleemulislam.net