لیکنه : محمد نبي سلطاني/ تعلیم الاسلام ویب پاڼه

په ژوند کي د ګناه اغېز

ګناه ( د الله جل جلاله او د رسول الله صلی الله علیه وسلم نافرمانۍ) ته ویل کیږي، نو پر همدې اساس له الهي احکامو څخه سرغړونه چي په دنيا کي د بدبختيو او تيارو او په آخرت کي د الهي غضب او ذلت سبب کيږي د بې شمېره آفتونو سرچينه ده. 

که وغواړو په مفصله توګه د ګناه منفي اغېزې وشمېرو؛ نو نه سو کولای؛ مګر په لنډه توګه، د ګناه منفي اغیزې په لاندي ډول درسره شریکولای سو. 

۱ – ګناه په دٌنيا کي د ټولو مصيبتونو، غمونو او پرېشانیو لامل او سرچینه ده؛ 

۲ -  ګناه د انسان زړه خرابوي او د انسان څخه د انسانیت عالي جواهر غلا کوي؛

۳ - ګناه انسان د ناورین کندې ته غورځوي؛

۴ -  گناه د انسان ژوند تنگوي؛ 

۵ - ګناه د مصیبت سبب ګرځي؛ 

۶ - ګناه د انسان عمر کموي؛ 

۷ - گناه د زړه د زنګ او توروالي لامل ګرځي؛ 

 ۸ - ګناه انسان په چټکۍ سره د مرګ او د تباهۍ کندي ته اچوي؛

 
۹ - د گناه له امله د الله پاک او بنده تر منځ حجاب او پرده رامنځته کيږي؛ 

 ۱۰ – کناه د انسان د فلاح او بریا مخه نیسي؛ 

۱۱ - ګناه انسان د عبادت او بندګۍ له بریا څخه بې برخي کوي؛ 

۱۲ – گناه له حلالي روزۍ څخه د محرومتيا او د برکت د ختمېدلو سبب ګرځي؛ 

۱۳ - ګناه یو ډیر لوړ دېوال دی چې د خدای د ملګرو په صف کي د ګناهکارانو د ننوتلو مخه نیسي؛ 

۱۴ - ګناه انسان د رب العالمین له رحمت څخه نا امیده کوي؛ 

۱۵ -  ګناه انسان د ایمان له حلقې څخه بهر کوي؛

۱۶ - ګناه د خدای د غضب سبب ګرځي؛ 

 ۱۷ -  ګناه  د الهي عذاب سبب ګرځي؛ 

۱۸ - گناه د عبادت نورانيت ختموي او په ثواب کي کموالی راولي؛ 

۱۹ -  د گناه نو بدي اغېزې نورو خلگو، حيواناتو او مرغانو ته هم رسېږي؛ 

۲۰ – د ګناه له امله انسان په ټولنه کي خپل شخصیت له لاسه ورکوي. 

www.taleemulislam.net