لیکنه: مولوي نورالحق مظهري/ تعلیم الاسلام ویب پاڼه

درې نجات ورکوونکي او درې هلاکوونکي شيان

عَنْ أَبِي هُرَيْرَةَ، أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ قَالَ: ثَلَاثٌ مُنْجِيَاتٌ، وَثَلَاثٌ مُهْلِكَاتٌ، فَأَمَّا الْمُنْجِيَاتُ: فَتَقْوَى اللهِ فِي السِّرِّ وَالْعَلَانِيَةِ، وَالْقَوْلُ بِالْحَقِّ فِي الرِّضَا وَالسُّخْطِ، وَالْقَصْدُ فِي الْغِنَى وَالْفَقْرِ، وَأَمَّا الْمُهْلِكَاتِ: فَهَوًى مُتَّبِعٌ، وَشُحٌّ مُطَاعٌ، وَإِعْجَابُ الْمَرْءِ بِنَفْسِهِ، وَهِيَ أَشَدُّهُنَّ. [شعب الايمان<۶۸۶۵]

ژباړه: د ابوهريرة رضي الله عنه څخه روايت دی چي رسول الله صلی الله عليه وسلم وفرمايل: درې شيان نجات ورکوونکي دي او درې شيان هلاکوونکي دي.

هغه درې شيان چي نجات ورکوونکي دي: په ښکاره او په پټه کي تقوی ده، په خوښۍ او په خښم کي د حق خبره کول دي او په سرمايه دارۍ او فقر کي اعتدال دی.

 
هغه شيان چي هلاکوونکي دي: هغه نفسي غوښتني چي انسان پسې ځي، هغه بخالت چي انسان يې اطاعت کوي او په خپل ځان باندي د انسان تکبر او دغه تر ټولو په بدۍ کي سخت دی.

يعني ۱ - په پټه او ښکاره کي تقوی. ۲ - په خوشالۍ او په خښم کي حقه خبره. ۳ - په غنی او په فقر کي اعتدال او ميانه روي انسان ته نجات ورکوي.

او ۱ – د نفسي غوښتنو پسې تلل. ۲ – بخالت کول. ۳ – په ځان باندي مغروره کيدل انسان بربادوي او هلاکت ته يې رسوي.

www.taleemulislam.net