لیکنه: مولوي نورالحق مظهري/ تعلیم الاسلام ویب پاڼه
د اسد ۲۴ تاريخ جوړوونکي ورځ
د اسد۲۴د مؤمنانو د بريا او کفارو د ماتي ورځ ده، په دې ورځ د اهل ايمان د ايماني جذبې د بريا څرک د آسيا په لوړو څوکو کي و پړکيدی او د اهل باطل د طغيان او سرکښۍ متمرد سر را ټيټ او د غرور دبدبه يې په نړۍ کي نسکوره شوه، په دې ورځ کي ايمان د کفر څخه او خپلواکۍ د اشغال څخه د مبارزې ميدان وګټی، په دې ورځ کي د ملحدينو هغه خوبونه په اوبو لاهو شوه چي د افغانستان په اړه به يې ليدل او غوښتل يې افغانستان د دیموکراسۍ ځالګې جوړه کړي او د دې پر عکس د هغو مؤمنانو د هيلو غوټۍ ګل شوې چي د لسيزو را پدې خوا يې په افغانستان کي د اسلامي نظام د حاکميت لپاره مبارزه کول، په دې ورځ کي د مرحوم اميرالمؤمنين ملا محمد عمر مجاهد رحمه الله هغه وړاندوينه په واقعيت بدله شوه چي د امريکايي اشغال په پيل کي يې کړېوه او ويل يې: يوه ورځ به آمريکا د ليست د سر څخه و پای ته را شوه کيږي.
هوکي؛ همداسي وسوه آمريکا خپل نظامي او سياسي ارزښت له لاسه ورکړ او په نړۍ کي يې هغه هيبت ختم شو چي يو وخت به يې خلک د نوم په اورېدلو لا وېرېدل او هغه باورونه درواغ وختل چي آمريکا ګرسره ماتي نه خوري بلکي ماتي يې وخوړل او په سپينه ورځ مجاهدين د کابل ښار ته په همدې ورځ داخل شوه؛ هغه صحنه چي یو وخت يې هيچا وړاندوينه نه شوه کولای او هیچا داسي فکر نه کوی، چي يوه ورځ به طالبان کابل ته فاتحين داخليږي.
د اسد ۲۴ د افغانانو لپاره د تاریخي وياړونو د اعادې او په ۲۱ پېړۍ کي د زرين تاريخ د پيل ورځ ده په دې ورځ کي افغانانو د خپل هيواد پلازميني د جمهوريت د بلا څخه خلاص کړ او په الهي شرعي نظام يې ښايسته کړ هغه نظام چي نه تنها سالمه انسانان بلکي نور ژوي يې هم خوښوي او په سايه کي يې هرڅوک بلکي هر شی آزاد ژوند کولای شي.
دا ورځ دي ټولو ته مبارک وي او الله تعالی دي موږ ټولو ته توفيق راکړي چي ګټلې خپلواکي او راغلی اسلامي نظام په سمه توګه وساتو او د پوره سمبالولو او دوام لپاره يې مناسب او کوټلي ګامونه واخلو.
د خپلواکۍ ګټل سخت کار دی خو ساتل او غځول يې تر هغه لا سخت دی، ځکه نو ټول افغانان بايد په ډېري هوښیارۍ او حوصله مندۍ سره بېله کوم تبعيضه په اتفاق او اتحاد سره د هيواد د ترقۍ او هيوادوالو د هوسايني لپاره کار وکړي او د دې راغلي اسلامي نظام سره په هره برخه کي پوره مرسته او کومک وکړي.
د دې تر څنګ چي موږ به خپل تېر ژوند او په ژوند کي کارنامې نه هېروو د تېر ژوند څخه به عبرت او تجربې هم حاصلوو او ټوله به په ګډه د دې لپاره کار کوو چي بيا ځلي زموږ هيواد د پرديو د يرغل هدف و نه ګرځي، زموږ افغانان د پرديو لخوا ښکار نشي، په هيواد کي د ننه نظام او ولس د ننګونو سره مخامخ نشي، د نظام او ولس تر مينځ واټن پيدا نشي، افغانان پر مشترکاتو سره راټول شي، ځان ځانۍ او تفردات ختم شي، ژبني، قومي او سمتي تبعيضونه را ژوندي نشي او ټول ولس د خپلو مسئولينو او مشرانو تر څنګ ګران هيواد افغانستان په پاتي شوي رغنيزي سيالۍ کي د نړۍ په کچه مخ ته کړي او د سيالانو سيال يې وګرځوي.
www.taleemulislam.net
