د (ليکنيزي پوښتني) نورې ليکنې
تازه سرليکونه
بېلابېلې ليکنې
فتوا: زما نوم محمد نبي دئ ایا دا جواز لري؟
تعلیم الاسلام دارالافتاء
مسلسله شمېره: ۴۷
سوال : زما نوم محمد نبي دی ایا د شریعت له نظره دا نوم صحیح دئ ؟
نوم : محمد نبي
جواب : ښه د نومونو عبدالله او عبدالرحمن دئ. ابن عمر رضى الله عنه روايت کوي، دى وايي رسول الله صلى الله عليه وسلم فرمايلي دي: ښه د نومونو ستاسي و الله جله جلاله ته عبد الله او عبدالرحمن دئ. (رواه مسلم) او بد د نومونو ملک الاملاک یعني شهنشا دئ. عَنْ أَبِي هُرَيْرَةَ قَالَ : قَالَ رَسُولُ اللهِ صلى الله عليه وسلم : أَخْنَى الأَسْمَاءِ يَوْمَ الْقِيَامَةِ عِنْدَ اللهِ رَجُلٌ یسَمَّى مَلِكَ الأَمْلاَكِ. ( رواه بخاري )
او مکرو نومونه هغه دي ، چي په هغوئ کي نسبت د بندګئ و يو بنده ته سوئ وي ، لکه عبدالرسول ، عبدالنبي عبدالمحمد او داسي نور ..
عَنْ أَبِى هُرَيْرَةَ أَنَّ رَسُولَ اللَّهِ -صلى الله عليه وسلم- قَالَ: لاَ يَقُولَنَّ أَحَدُكُمْ عَبْدِى وَأَمَتِى، كُلُّكُمْ عَبِيدُ اللَّهِ وَكُلُّ نِسَائِكُمْ إِمَاءُ اللَّهِ وَلَكِنْ لِيَقُلْ غُلاَمِى وَجَارِيَتِى...».( مسلم )
یعني يو له تاسو دي داسي نه وايي ، چي زما عبد او زما مینځه. تاسو ټول د الله عباد ياست او ستاسو ټوله ښځي د الله مینځياني دي ، مګر د عبد پر ځاى غلام واياست او د اماء پر ځاى جاريه واياست .
مولانا اشرف علي تهانوي رحمة الله علیه په بهشتي زېور کي و دغه نومونو ته مکروه ويلي دي. او محمد نبي ، محمد رسول او داسي نور نومونه روا دي ، په دغه کي نسبت و غير الله ته نسته او نه په دې کي جمع د هغه شي سوې ده ، چي هغه ممنوع ده ، رسول الله صلى الله عليه وسلم فرمايي: تاسي زما نوم او کنيت په چا کي مه جمع کوئ ، يعني محمد او ابا القاسم .
هر مسلمان چي د خپلو اولادونو نومونه ږدي ، نو اول به يې معنا و ځان ته معلومه وي ، چي صحيح ده او که نه ، ځکه چي داسي نومونه سته چي هغه شرکي نومونه دي ، د هندووانو له طرفه څخه راغلي دي ، خصوصاً بيا ښځي چي يوه وبلي ته په لقبي نوم سره وايي .
مولوي عبدالهادي آغا
تعلیم الاسلام دارالافتاء
کندهار افغانستان
ورته ليکنې:
تبصره
