د (ليکنيزي پوښتني) نورې ليکنې
تازه سرليکونه
بېلابېلې ليکنې
فتوا: د وطن پرست کلمه ویل څنګه ده؟
تعلیم الاسلام دارالافتاء
مسلسله شميره :(۲۶۲)
نوم: محمد عارف
د اوسيدو ځای: کابل
سوال : داخو د هر مسلمان دنده ده چی له وطن سره مینه،دوستی،دفاع او خدمت یی وکړی.خو ځین کسان داسی وایی چی.فلانی داسی وطن پرست،میهن پرست یا وطن پال دی .نو زما پوښته هم دا د پرست په کلیمه کی دی چی د شریعت له نظره څنګه ده؟
جواب : د پرست کلمه د عبادت او بندګي کوونکي په معنی هم راځي، او د محبت کوونکي، مینه پال،خدمتګار او غلام په معنی هم راځي.(۱)
زموږ په پښتني ټولنه کي په دواړو معناګانو سره استعمالیږي ، یعني کله چي یو څوک ووايي چي فلانکی خداپرست یا بت پرست دی ، نو معنی یې د عبادت او بندګۍ کولو ده.
او کله چي وویل سي چي فلانکی وطن پرست دی نو معنی يې د محبت او خدمتګار ده نه د عبادت او بندګي. نو ددغي کلمې په ویلو کي څه حرج او مشکل نسته ځکه څوک چي چا ته د وطن پرست ووايي ددې معنی دا نه ده چي العیاذ بالله دی نو د وطن عبادت او بندګي کوي او په خدایی ورته عقیده لري ، بلکه معنی یې داده چي دغه نفر د وطن خدمتګار دی.
والله اعلم
جواب: مولوي سيد عبد الباري
کتنه: مولوی عبدالهادي آغا
تعلیم الاسلام دارالافتاء
کندهار افغانستان
ـــــــــــــــــــــــــــــــــــــ
(۱):فرهنګ عمید ،ص۳۲۳،تهران
ورته ليکنې:
تبصره
