د (ليکنيزي پوښتني) نورې ليکنې
تازه سرليکونه
بېلابېلې ليکنې
فتوا- د پنځو لمونځو وختونه راته ولیکئ
سوال : تاسوته سلام وړاندی کوم ، که د مهربانۍ له مخی د پنځو وختونو د لمانځه په اړه معلومات راکړئ ( څنګه لمونځ کېږي يعني په پنځه سره وختونو کی کوم رکعتونه کول کېږي) ډېره مهربانی به مو وي ، ځکه چي په پوښتنه کي شرم نسته . داسي فکر وکړئ چي يو کوچني ته لمونځ ور ښياست .
د سوال کونکي نوم : فيصل
جواب : دا صحيح خبره ده ، چي څوک د اسلام د مقدس دين د يوه حکم او شرعي مسئلې څخه ناخبره وي نو بايد پوښتنه وکړي او ځان په خبر کړي ، رسول الله صلی الله عليه وسلم فرمايلي دي : فَإِنَّمَا شِفَاءُ الْعِىِّ السُّؤَال (ابوداود)
ژباړه : د جهل د ناروغۍ علاج پوښتنه ده .
او الله جل جلاله هم داسي حکم کړئ دئ :
فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ (٤٣ النحل)
ژباړه : نو تاسو د علماوو څخه پوښتنه کوئ که تاسو نه پوهيږئ.
خو ښاغلې فيصل صاحب ! ستاسو د پوښتني څخه ما ته داسي څرگنديږي ، چي تاسو د پنځو لمونځونو پوره تفصيل غواړئ که د پوښتني مقصد مو همدا وي نو د مهربانۍ له مخي يو داسي کتاب مطالعه کړئ ، چي په پښتو ژبه پوره لمونځ او د لمانځه احکام پکښي بيان سوي وي ، د فقه المبتدي څخه چي پښتو تدريسي کتاب دئ او د بنده تاليف دئ هم د لمانځه په اسانه زده کړه کي يو اندازه استفاده کولاى سئ .
ماخذ: تعليم الاسلام مجله، ۷ ګڼه
ورته ليکنې:
تبصره
