د (ليکنيزي پوښتني) نورې ليکنې
تازه سرليکونه
بېلابېلې ليکنې
فتوا: اولاد ته څنګه فتنه ویل سوې ده؟
تعلیم الاسلام دارالافتاء
مسلسله شمېره : ( ۳۲۶)
نوم: عبدالواسیع
سوال: اولاد ته څنګه فتنه وایی؟
جواب :
حامداً و مصلیاً
په ایات مبارک رايځي: إِنَّمَا أَمْوَالُكُمْ وَأَوْلَادُكُمْ فِتْنَةٌ ...
د فتنې معنا امتحان ده نو د ایت مطلب دا دی چي الله جل جلاله انسان د اولاد په ذریعه امتحان کوي چي د اولاد په محبت کي ته د الله جل جلاله ده فرائضو څخه غافل کیږي او که نه؟
دامعلومه خبره ده چي انسان د اولاد په محبت کي په ډیرو گناهونو اخته کیږي خصوصاً په حرام مال سره.
په حدیث شریف کي راځي چي د قیامت په ورځ به بعضي کسان راوستل سي د دوی په باره کي به داسي ویل سي: اَکَلَ عیالَهُ حسناتِهِ : د دوی نیکي د دوی اولادو خوړلي دي.
او په حدیث شریف کي يې اولاد (مَبْخَلَةٌ مَجْبَنَةٌ) یاد کړی ځکه د دوی د وجهي سړی بخیل هم سي د الله تعالی په لار کي خرڅ نه کوي او بې غیرته هم سي د الله جل جلاله په لار کي جهاد نه کوي.
جواب: مولوي عبدالهادي آغا
الجواب صحیح: مولوي سید عبدالباري
تعلیم الاسلام دارالافتاء
کندهار افغانستان
ـــــــــــــــــــــــــــ
(۱): معارف القران ج،۸ ، ص۴۷۰ سورة التغابن ، بحواله روح المعاني و سنن ابن ماجه
ورته ليکنې:
تبصره
