د (چاڼ سوي مضامين) نورې ليکنې
تازه سرليکونه
بېلابېلې ليکنې
صرف پنځه شیان
ژباړه: نوید احمد
حضرت ابوهریره رضي الله عنه فرمايي: که څوک دغه پنځه شیان ولري نو د نورو پنځو شیانو څخه به محروم نه سي :
(١) شکر: هر هغه څوک چي شکر اداکوي نو د نعمتونو د ډېرېدو څخه به محروم نه سي لکه څنګه چي الله جل جلاله فرمايي :
لَئِن شَكَرْتُمْ لأَزِيدَنَّكُمْ . (سورت ابراهيم ايت ۷)
ژباړه: که چیري تاسي (زما ) شکر وباسئ نو زه به و تاسو ته خامخا نور (نعمتونه ) هم در کړم .
(٢) صبر : هغه چاته چي د صبر کولو توان ورکول سي نو د ډېر زیات ثواب څخه به محروم نه سي الله جل جلاله فرمايي :
إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ. (سورت زمر ايت ۱۰)
ژباړه: بېشکه کوم څوک چي دصبر څخه کار اخلي ، نو و هغو ته بې حسابه اجر او ثواب مقرر دئ .
(٣) توبه : هغه څوک چي توبه وباسي نو د قبلېدو څخه به محروم نه سي الله جل جلاله فرمايي: وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ. (سورت شوری ايت ۲۵)
ژباړه: او الله جل جلاله داسي ذات دئ ، چي د خپلو بندګانو توبې قبلوي او ګناهونه ور معافوي او تاسو ، چي څه کوئ په هغوباندي خبر دئ .
(٤) بخښنه : هغه څوک چي د الله جل جلاله څخه بخښنه وغواړي نو د بخښلو څخه به محروم نه سي الله جل جلاله فرمايي :
إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ . (سورت زمر ايت۵۳)
ژباړه : بېشکه الله جل جلاله به ستا سي ټول ګناهونه معاف کړي بېشکه الله جل جلاله ډېر بخښونکئ زيات رحم کونکئ دئ .
(٥) دعاء : هغه څوک چي دعا وکړي د قبلېدو څخه به يې محروم نه سي الله جل جلاله فرمايي :وَقَالَ رَبُّكُمُ ادْعُونِي أَسْتَجِبْ لَكُمْ .(سورت غافر ايت ۶۰)
ژباړه : او ستا رب فرمایلي دي ، چي ماته دعا کوئ زه به ستاسو دعا قبلوم
یوه بل عالم شپږم شی هم زيات کړئ دئ ، هغه دا چي څوک د الله جل جلاله په لاره کي مال مصرف کړي نو د ثوابونو څخه به محروم نه سي لکه څنګه ، چي الله فرمايي :
وَمَا أَنفَقْتُم مِّن شَيْءٍ فَهُوَ يُخْلِفُهُ وَهُوَ خَيْرُ الرَّازِقِينَ . (سورت سبا ايت۳۹) ژباړه : او هر هغه څه چي تاسو يې (د الله په لارکي) په مصرف رسوئ نو هغه (الله جل جلاله ) به د دې بدله درکوي او هغه خورا ښه روزي ورکونکى دئ .
ماخذ: تعلیم الاسلام مجله، ۷ ګڼه
ورته ليکنې:
تبصره
