د (معاملات) نورې ليکنې
تازه سرليکونه
بېلابېلې ليکنې
د احتکار موده او د محتکر د مال پلورل
د اِحتِکَار مده
د لږ مدې د پاره د يو شي را ګرځول په اِحتِکَار کي نه راځي ، ځکه د لږ مدې په راګرځولو يې خلک نه متضرر او زيانمن کيږي ، بلکي په ډېره مده را ګرځولو يې خلکو ته زيان رسيږي .
ډېره مده څوک مياشت ګڼي او څوک يې بيا څلويښت ورځي ګڼي ، ځکه رسول الله صلی الله علیه وسلم فرمايلي دي : که څوک خوراکه څلويښت شپې راوګرځوي هغه په حقيقت کي د الله څخه بېزار دى او الله د هغه څخه بېزار دى .
د مُحتَکِر د مال پلورل
د تنګۍ او اړتيا په مهال کي به قاضي مُحتَکِر ته امر کوي تر څو هغه د خپل ځان او عيال څخه پالتو خوراکه په بازار کي وپلوري ، که دوهم ځل يې بيا قاضي ته شکايت وسو او اِحتِکَار ته يې ادامه ورکول د قاضي لخوا دي وعظ او هم تهديد ورته ورکړه سي .
که بيا يې هم اِحتِکَار کاوه ، بيا دي يې قاضي بندي او زجر کړي او په زور دي مالونه په خرڅ کړي او که خپله يې نه خرڅول نو قاضي دي يې د ورځي په نرخ وپلوري .
ماخذ: فقه المبتدي، دریم ټوک- معاملات
مؤلف: مولوي محمد عمر خطابي
ورته ليکنې:
تبصره
