د (چاڼ سوي مضامين) نورې ليکنې
تازه سرليکونه
بېلابېلې ليکنې
د علماوو په صحبت کي د کښېنستلو اعزاز
ژباړه : محمد اسماعيل ''شهاب / تعلیم الاسلام ویب پاڼه 2014-05-24
فقيه ابولیث سمرقندي رحمة الله علیه فرمايي : ويل کيږي، کوم شخص چي د يو عالم په مجلس کي کښيني مګر د علم اړوند کومه خبره یاده نه کړي، نوهغه ته اووه، مرتبې يا اعزازه حاصليږي:
۱ـ د استاذانو درجه ورته حاصليږي.
۲- تر څه وخته چي هلته ناست وي له ګناهونوڅخه ساتل کيږي.
۳- چي څه وخت له کوره څخه وځي، پرده باندي رحمت نازليږي.
۴- څه وخت چي کښيني نو پر مجلس باندي چي رحمت اوري هغه ده ته هم حاصليږي.
۵- ترڅه وخته چي يې غوږ نيولی وي، تر هغه وخته پوري دده لپاره نيکي ليکل کيږي.
۶- ملائيکي خوشحاليږي او د مجلس ګډون وال په خپلو پردو کي ساتي او دی هم په هغو کي شامل وي. ۷- هر قدم چي پورته کوي او ایږدي، دده د ګناهونو لپاره کفاره ګرځي، د درجو د لوړېدو سبب يې ګرځي او نيکی يې اضافه کيږي.
بيا هغه ته الله تعالی شپږ نوري مرتبې ورپه برخه کوي:
۱- د علماؤ د مجلس سره يې مينه نصيب کيږي.
۲- کوم خلګ چي د هغوی د خبرو اتباع کوي ده ته هم هغومره اجر او ثواب حاصليږي لکه څومره چي هغوی ته حاصليږي، او د هغو په ثواب کي هيڅ کمي نه راځي.
۳- که د مجلس د حاضرینو څخه يوه ته هم بخښه وسي، نو هغه به د نورو لپاره شفاعت کوي.
۴- د هغه شخص زړه د فاسقانو د مجلس څخه جلاکيږي.
۵- د متعلمینو او صالحينو په لاره کي شامليږي.
۶ - د الله تعالی د حکم پوره کوونکی جوړيږي. الله تعالی فرمايي:
كُونُوا رَبَّانِيِّينَ بِمَا كُنتُمْ تُعَلِّمُونَ الْكِتَابَ وَبِمَا كُنتُمْ تَدْرُسُونَ [ سورة آل عمران۷۹﴾
ژباړه: تاسي عاملان عالمان سئ په دې سبب چي تاسي (خلګو ته) د کتاب ښوونه کوئ.
مراد علماء اوفقهاء دي، دا عزت خو د هغه چا لپاره دی چي په دې مجلس کي هیڅ شی زده نه کړي نو هغه څوک به څومره مرتبې حاصلوي چي علم يې ياد کړی وي . (تنبيه الغافلين، ص:۴۱۶)
ماخذ: تعلیم الاسلام مجله، ۱۱ ګڼه
ورته ليکنې:
تبصره
