د (ماشوم روزنه) نورې ليکنې
تازه سرليکونه
بېلابېلې ليکنې
د ماشومانو خوب ته ځانګړې پاملرنه
لیکنه: نوید احمد / تعلیم الاسلام ویب پاڼه
ټایمز ویب پاڼه لیکي چي یو ساعت خوب کمول د شپږم صنف دماغ د څلورم صنف دماغ ته را کښته کوي. یعني د ماشوم خوب باید پوره وي. تر اندازې کم خوب کول د ماشوم پر ذهن او دماغي قوت بده اغېزه لري. د دې ترڅنګ ساینسي څېړني ښيي، چي د ماشوم لپاره لږ خوب په راتلونکي عمر کي د ماشوم د بدن پر وزن، اشتهاء او د ویني پر فشار بده اغېزه لري.
ځیني طبي مراکزو د ځينو ماشومانو د خوب لپاره داسي مهالوېش وړانديز کړی دی: چي تر ۲ کاله کم عمر لرونکي ماشومان د ورځي تر ۱۲ ساعتونو زیات، د ۳ څخه تر ۴ کلونو عمر لرونکي ماشومان د ورځي تر ۱۰ ساعتونو زیات او د ۵ څخه تر ۷ کلونو عمر لرونکي ماشومان بايد د ورځي تر ۹ ساعته زیات خوب وکړي.
ددې لپاره چي د ماشوم دماغي قوت او روغتیا ته زیان ونه رسیږي نو کورنۍ دي کوښښ وکړي، چي د ډوډۍ وخت داسي برابر کړي چي د ماشوم د خوب خنډ ونه ګرځي.
او هم بايد ماشوم په داسي ځای کي ويده سي، چي ږغ، رڼا او خبري نه وي؛ ځکه دا د ماشوم خوب ور اخلالوي، چي شايد د دماغي کمزورۍ سبب يې سي.
ماخذ: تعلیم الاسلام مجله، ۱۴ ګڼه
ورته ليکنې:
تبصره
