د (روغتيا پالنه) نورې ليکنې
تازه سرليکونه
بېلابېلې ليکنې
بروسيلوزس (Brucellosis )
راليږونکې : قابله بي بي اسيه سحر ، کندهار
سرچینه: تعلیم الاسلام ویب پاڼه
تشريح
بروسيلوزس يو سيستميک باکتريايي ګرام منفي انتان دی چې کيداى سي ځنډنى ( مزمن) سې .د ناروغۍ ليږديدل انسان ته له منتنې غوښې سره د تماس له لارې (د مثال په توګه د هغو کسانو ترمنځ چې په مسلخ کې کار کوې) د خامې غوښې ، شيدو يا پنير د خوړلو يا د تخريش سوې جلد تماس د څارويو يا منتنو توکو له لارې صورت مومي.
تشخيص
• د ناروغۍ تشخص دهغه د علايمو د نه ځانګړتيا او بدليدونکي حالت له امله ستونزمن دى.
• بروسيلوزس په لاندې شرايطو کې بايد په پام کې ونيول سي:
o په ناروغ کې د تبې بدلون ( يعنې کله پورته کله ښکته ) چې له لس ورځو څخه زيات دوام کوي ، د شپې خولې، ريږديدنې يا عمومي بي حالۍ سره د مفصلونو او عضلاتو له درد يا له هغه پرته زکام ته يو ورته سندروم چې له يوې اونۍ څخه زيات دوام کوي بايد پر بروسيلوزس فکر وکړى.
o ملاريا ته په مساعدو سيمو کې د بروسيلوزس شتون په هغو ناروغانو کې چې د ملاريا ضد درملو له اخستلو سره هم مقاومه تبه لري ، په پام کې ونيسئ.
د بروسيلوزس اختلالات و پلټئ.
o په هغه صورت کې چې درملنه يي ونسي، د هډوکو او مفصلونو درد څرګنديږي او د سحايا او دماغ د نسج التهاب کيداى سي پيښ سي ، بايد دا ناروغ وليږل سي.
o بروسيلوزس کیداى سي د هډوکو او مفصلونو له ورو درد سره يو ځاى د سحايا د عصبي علايمو په ملتيا د مزمن کيدو په لوري پرمختګ وکړي.
o د شتون په صورت کې لابراتواري معاينات تر سره کړئ: تشخيص زياتره د سيرو لوژيک تسټونو په وسيله کيږي.
o د سيرولوزيکو معايناتو د سويې لوړيدنه يا د الګو تنيشن د کچې په مطلقه توګه لوړيدل يو په نسبت د ١٦٠ څخه له تشخيص سره مرسته کوي.
o تفريقي تشخيص چې له سيرولو ژيکو معايناتو څخه پرته ستونزمن دى د لاندى ناروغيو سره وسي:
- د محرقې تبه
- نري رنځ
- د انسان د معافيتي سيستم کمزورونکى وايروس HIV ( اچ اي وي ).
- ملاريا
درملنه
د درملو په وسيله درملنه
• له اتو کلونو څخه لويو ناروغانو ته
• د خولې د لارې Doxycycline (١٠٠ ميلى ګرامه ) هر ١٢ ساعته وروسته د شپږو او نيو لپاره .
احتياط : Doxycycline له اتو کلونو څخه د کوچنيو ماشومانو ، اميندوارو او شيدو ورکونکو ميرمنو لپاره مه توصيه کوئ.
• Rifampicin دخولې لارې ( ١٠ مليى ګرامه د بدن د وزن پر هر کيلو ګرام) اعظمي دوز ٦٠٠ ميلى ګرامه په ورځ کې يو ځل د شپږو اونيو لپاره.
• د اتو کلونو څخه کوچنيو ماشومانو ته
• Co-trimoxazole د شپږو او نيو لپاره معياري دوز.
• زرقي Gentamicin په ورځ کې يو ځل ( ٧.٥ميلى ګرامه د بدن د وزن پر هر کيلو ګرام) د دوو اونيو لپاره .
ياداښت : د دوه يا درې درملو تر کيبي رژيم ډير اغيزمن دى.
ليږدول
• له دي امله چې د برو سيلوزس تشخيص ډير ستونزمن دى او اوږد مهالې درملنې ته اړتيا لري ټول ناروغان د سيرولوژيکو او تائيدي معايناتو لپاره د امکان تر بريده وليږئ.
• بر سيره پردې لاندي پيښي وليږئ:
• ټولې اختلاطې پيښې لکه ميو کارديت، د مفصلونو التهابات او ستومياليت، او د سحايا التهاب • ټولې اميندوارۍ ميرمنې.
مخنيوي
د غير پاستوريزه پنير، ناجوش کړو شيدو يا نيم خامې ( سرې ) غوښې له خوړلو څخه ډډه کول.
له څارويو يا د هغوى محصولاتو سره له تماس وروسته د اوبو او صابون په وسيله د لاسونو مينځل.
ماخذ : د درملنې ملي معياري لارښود د لومړنيو روغتيايي خدمتونو مرکزونو لپاره
یادونه: دا لیکنه صرف د طبي ډاکټرانو لپاره لارښووني دي.
ورته ليکنې:
تبصره
