د (چاڼ سوي مضامين) نورې ليکنې
تازه سرليکونه
بېلابېلې ليکنې
د شیخ عبدالباسط عبدالصمد لنډ ژوند لیک
راټولونه: نوید احمد/تعلیم الاسلام ویب پاڼه
شیخ عبدالباسط محمد عبدالصمد، د اسلامي نړۍ مشهور قاري چي د خپل ښایسته اواز او ځانګړي اسلوب له مخي په زیاته کچه مینوال لري او د طلايي حنجرې او مکي اواز په لقب نومول سوی دی.
په ۱۹۲۷ ملادي کال کي په مصر کي زېږدلی دی. د لسو کلونو پع عمر يې قرانکریم حفظ کړی او د قرانکریم سره د زیاتي مینه له کبله به يې یوه لیري کلي ته په پښو تګ کاوه، هلته به یې په یوه دوکان کي د راډیو د لاري د مشهورو قاریانو قرائت په ډير دقت او توجه سره اورېدی.
شیخ عبدالباسط صاحب رحمة الله علیه د شیخ المتقن محمد سلیم حماده څخه یې د قرائت علوم زده کړل، د ۱۲ کلنۍ په عمر يې شهرت زیات سو.
شیخ عبدالباسط عبدالصمد د ماشومتوب څخه د قرانکریم قرائت په ډير دقت زده کوی او په د تجویدي اصولو په مراعتولو کي به یې ډیر زیار ایستی، کله چي به کور ته ستون سو نو په لوړ اواز به یې قرانکریم په ښایسته لهجه تلاوت کاوه چي د خلګو زړونه به یې جلبول.
وروسته د مصر راډیو ته دعوت سو چي هلته یې د قرانکریم زیاته زیات شمېر قرائتونه ثبت کړل او د همدې لاري يې په خلګو کي لا زیات محبوبیت پیدا کړی.
شیخ عبدالباسط عبدالصمد رحمه الله د نړۍ مختلفو اسلامي او غیر اسلامي هیوادونو ته هم وخت په وخت دعوت کېده چي هلته به یې د مؤمنانو زړه د قرانکریم په تلاوت روښانه کول.
الله تعالی شیخ عبدالباسط صاحب ته د قرانکریم د خدمت په وجه زیات عزت ورکړی وو، د مسلمانانو هري طبقې به يې زیات احترام ساتی.
د قرانکریم دا ستر خادم په ۱۹۸۸ ملادي کال کي د ورپیښي مریضۍ له کبله د ۶۱ کالو په عمر د قرانکریم و مالک ته روح وسپارل او تر شا یې نه هیرېدونکې قراني خدمت د خپل ښایسته اواز په شکل پرېښووی.
ورته ليکنې:
تبصره
