د (چاڼ سوي مضامين) نورې ليکنې
تازه سرليکونه
بېلابېلې ليکنې
د مرګ او د ژوند وروستۍ شېبې (۲)
ژباړه او زیاتونه: غلام عمرعبدالله / تعليم الاسلام ويب پاڼه
مرګ او د ژوند وروستۍ شېبې (دوهمه برخه)
د صالحینو د مرګ حالات:
*عمربن خطاب* د اسلامي امت د محراب لمړی شهید حضرت عمرفاروق رضي الله عنه په داسي حال کي د مجوسي کافر تر تروریستي برید لاندي راغی چي د سهار د جماعت لمونځ يې ادا کاوه.
* عثمان بن عفان* د حیا نمونه، د قران شهید، د رسول الله صلی الله علیه وسلم د دوو مبارکو لوڼو خاوند امیرالمؤمنین حضرت عثمان رضي الله عنه په داسي حال کي د باغیانو لخوا په شهادت ورسېد چي د قران تلاوت يې کاوه.
* علي اﺑﻦ ابي طالب* د الله د رسول صلی الله علیه وسلم زوم، د امت څلورم خلیفه او د شجاعت غر امیرالمؤمنین حضرت علي رضي الله عنه په داسي حال کي د خوارجو تر برید لاندي راغی چي له کوره د سهار د جماعت لپاره را روان وو.
* امام ابي حنیفة *د امت ستر امام، د زهد او تقوا نمونه امام ابي حنیفه رحمه الله ته يې چي په کوم کور کي غسل ورکاوه، په هغه کور کي امام رحمه الله اووه زره (۷۰۰۰) ځلي د قران کریم ختم کړی وو.
* عبد الله بن إدريس رحمه الله* چي د امام مالک رحمه الله نږدې دوست او ملګری، عابد او زاهد شخص وو، کله چي وفات کېدی لور يې ورته ناسته وه او ژړل يې ده ورته وویل: لوري مه ژاړه ما په دې کور کي څلور زره ځلي قران کريم د همدغه (ځانکندن) د وخت لپاره ختم کړی دی.
*عامر بن عبد الله بن الزبير* رحمه الله تابعي و، د رسول الله صلی الله علیه وسلم د عمه کړوسی وو، د رسول الله صلی الله علیه وسلم احادیث يې هم روایت کړي دي، کله چي د مرګ پر بستر پروت وو، د کورنۍ غړي يې چار چاپېره ورته ناست وه او ژړل يې.
نوموړی د مرګ په سختیو کي وو چي د مؤذن ږغ يې واورېدی چي د ماښام اذان يې کاوه، سره ددې چي د نوموړي د مرګ سختي ډېره وه د اذان په اورېدو سره یې ناستو کسانو ته وویل: زما لاس ونيسئ !!
ويل: چېري؟؟
ویل: مسجد ته !!
ویل: ته او پردغه حال؟؟
ویل سبحان الله: زه دي د لمانځه د اواز کوونکي بلنه واورم او قبول دي يې نه کړم؟!
زما لاس ونیسئ او مسجد ته مي بوځئ!!
وروسته دوکسانو په خپل منځ کي واخیست، مسجد ته يې بوت، د امام شاته يې یو رکعت لمونځ وکړ او د سجدې په حالت کي وفات سو.
* الشيخ كشك * رحمه الله، د الله د لاري رښتینی داعي وو، د حق دعوت يې کاوه داعييانه او مهاجرانه ژوند يې لاره، د حق په لاره کي یې هجرت هم کړی وو په داسي حال کي مړ سو چي د جمعې سنت لمونځ یې ادا کاوه.
* الخليفة الراشد عمر بن عبد العزيز* د اسلامي امت زړه سوانده امیر، د راشده خلفاؤ د ژوند او حکومت وروستۍ نمونه عمر بن عبدالعزیز رحمه الله په داسي حال کي وفات سو چي د مرګ پرحال یې د الله دغه سپېڅلی قول تکراروه :
تِلْكَ الدَّارُ الْءَاخِرَةُ نَجْعَلُهَا لِلَّذِينَ لَا يُرِيدُونَ عُلُوًّا فِى الْأَرْضِ وَلَا فَسَادًا ۚ وَالْعٰقِبَةُ لِلْمُتَّقِينَ.[سُوۡرَةُ القَصَص : 83]
ژباړه : د اخرت هغه كور خو به د هغو خلكو لپاره ځانګړی کړو، چي په ځمکه کښي خپله لويي نه غواړي او نه د فساد كولو اراده لري او نېک عاقبت یوازي د پرهېزګارانو لپاره دى.
* ابن تیمیة * شیخ الاسلام رحمه الله په داسي حال کي وفات سو چي پر ژبه يې دا ایات جاري و:
إِنَّ الْمُتَّقِينَ فِى جَنّٰتٍ وَنَهَرٍ (54) فِى مَقْعَدِ صِدْقٍ عِندَ مَلِيكٍ مُّقْتَدِرٍۭ (۵۵).
ژباړه: له نافرمانۍ څخه ډډه كوونكي (پرهېزګاران) به په باوري توګه په باغونو او ويالو کښي وي، (دا جنت) د ډېر مقتدر باچا (الله) په وړاندي د رښتيني عزت ځاى دی.
او دا یو حقیقت دی چي ""څوک په کوم فکر او عمل ژوند کوي پر هم هغه فکر او عمل به مرګ ورته راځي"".
---------------------------------------------------------
مخکنۍ ليکنه: مرګ او د ژوند وروستۍ شېبې (لمړۍ برخه)
ورته ليکنې:
تبصره
