لیکنه: محمد داود امیري- هلمند / تعلیم الاسلام ویب پاڼه
یوه ورځ مي له ځانه دا پوښتنه وکړه : چې ایا الله تعالی ما خوښوي ؟
نا څاپه مي ذهن ته راغله ، چې الله تعالی د هغو صفاتو لرونکي بندګان خوښوي ، کوم صفات چې په قرانکریم کې ذکر سوي دي.
ددغو ځانګړتیاوي د مجموعې د پیدا کولو لپاره مي ډېر فکر وکړ مګر قانع کوونکی ځواب مي د خپلې پوښتنې لپاره پیدا نه کړ.
د ځواب لپاره مي قرانکریم ته مراجعه وکړه ،
۱: هلته مي ولیدل چې الله تعالي متقایان او پرهیزګاران بندګان خوښوي مګر زه چیري، زما تقواء او پرهیزګاري ؟
۲: دا مي هم ولیدل چې الله تعالي نیک او صبرکوونکي بندګان خوښوي ،مګر زه چیري ، زما صبر او نیک والی ؟
۳: بیا مې ولید چې خالق مي مجاهدین خوښوي ،مګر زه چیري ، زما جهاد او مجاهده ؟
۴: بیا مي ولیدل چې مهربان ذات محسنین او نیک کاره خلګ خوښوي ،مګر زه چیري ، زما احسان او نیکوکاري ؟
نور وېریدم او پلټنه مي په دې خاطر پرېښودل چې داسي نه وي ، په خپل ځان کې داسي صفت پيدا کړم چې الله تعالي په هغه سره ما خوښ کړي .
وخپلو اعمالو ته مي نظر وکړ ، ومي لیدل چې ډېر ګډ وډ دي او یا مي په سوستې کړي یا د ګناهونه رنګ لري .
ناڅاپه مي پردې ایت مبارک سترګې وځلېدې چې خالق المخلوقات فرمایې :
(إِنَّ اللَّهَ يُحِبُّ التَّوَّابِينَ) الایة
ژباړه: الله تعالي توبه کوونکي خوښوي.
دا لکه لومړی ځل چې زه په دې پوه سوم چې دا ایت زما او ماته ورته د نور انسانانو لپاره دی .
بې له ځنډه مي دا جمله پر ژبه راغله :
ﺃﺳﺘﻐﻔﺮ ﺍﻟﻠﻪ ﻭﺃﺗﻮﺏ ﺇﻟﻴﻪ
ﺃﺳﺘﻐﻔﺮ ﺍﻟﻠﻪ ﻭﺃﺗﻮﺏ ﺇﻟﻴﻪ
ﺃﺳﺘﻐﻔﺮ ﺍﻟﻠﻪ ﻭﺃﺗﻮﺏ ﺇﻟﻴﻪ
نو په دې سره زه هم امید واره سوم چې ګوندي زه هم د هغو کسانو څخه سم چي الله تعالی ته هغه خوښ دي.
