د تعلیم الاسلام راډيو د لاري د تفسیر او ترجمې خپرونه چي د تیرو شپږو کلونو راهیسي شروع وه الحمدلله په دې ورستیو کي پای ته ورسېده. د قران عظیم الشان د تفسیر دا مبارکه راډیويي دوره چي د محترم شیخ مولوي محمد عمر خطابي صاحب لخوا تدریسېدل بې شمېره مسلمانانو وروڼو او خویندو د هیواد په داخل او بهر کي د تیرو شپږو کلونو راهیسي پخپلو کورنو، دفترونو، دکانونو، موټرانو او کارځایونو کي اورېدل او ډېره خوښي يې څرګندول.

ددې لپاره چي د قران مجید علوم همداسي جریان ولري نو د تعلیم الاسلام راډيو ادارې تصمیم نیولی تر څو د تفسیر او ترجمې بله نوې دوره شروع کړي. دا ځل به د یوه خاص مشهور او مختصر تفسیر څخه دوره پیل کیږي چي په جلالین شریف مشهور دی.