تعلیم الاسلام ویب پاڼه
مشاري العراده د کویټ مشهور ترنم ویونکی چي د یکشنبې په ورځ ۱۴۳۹/ربیع الاخر/۲۰ مطابق د ۲۰۱۸ کال د جنوري پر ۷ په یوه ترافیکي حادثه کي وفات سو.
مشاري العراده په ۱۹۸۲ کال کي د کویټ د یرموک په منطقه کي زیږیدلی دی او همدلته یې ابتدايي او متوسطه زده کړي وکړې او بیا يې ثانیوه زده کړي د قرطبې په منطقه کي پای ته ورسولې.
مشاري العراده صاحب د کویټ پوهنتون د ادبیاتو پوهنځۍ څخه فارغه سو او بیا يې تخصص د شرعیاتو په پوهنځۍ کي وکړی.
تر زده کړو وروسته یې په ډيرو خیریه او تعلیمي ادارو کي دنده ترسره کړل، په دې اخر کي يې د کویټ د اوقافو په اداره کي دنده اجراء کول.
مشاري العراده د ماشومتوب څخه په ترانو ویلو پیل وکړی او لومړنۍ البم يې په کال ۱۹۹۹ کي وړاندی کړی. وروسته یې د (یا رجائي) ترانو لړۍ پیل کړه چي په دې لړۍ کي یې د (فرش التراب) ترانه نړیوال شهرت پیدا کړی کوم چي په ډير ښایسته انداز ویل سوی دی.
مشاري العراده صاحب د خپل ښایسته ږغ لکبله په مختلفو هیوادو کي د ترنم په محفلونو کي ګډون کړی دی.
مشاري العراده صاحب ته د کویټ امیر همدارنګه د کویټ نورو مشهورو ادارو د ښایسته ترنم لکبله امتیازي جایزې ورکړي او په (منشد الخیر) سره یې نومولی دی.
دا چي مشاري العراده صاحب په سعودي کي د یوې حادثې لکبله وفات سو نو په عربي نړۍ کي دده په اړه د تعزیت ډير زیات پیغامونه پر ټولنیزو شبکو او رسنیو وړاندي سول.
مشهوري ترانې یې:
فرشي التراب
أمي فلسطين
يا رجائي
کولای سی لومړنۍ ترانه یې په لاندي ادرس واوری:
الله تعالی دي پر ورحمیږي!
