د (چاڼ سوي مضامين) نورې ليکنې
تازه سرليکونه
بېلابېلې ليکنې
د خیر او شر کیلیاني
د خیر او شر کیلیاني
ژباړن: شبيراحمد/ تعلیم الاسلام ویب پاڼه
د خير کيلياني:
۱. د لمانځه کيلي: پاکي ده.
۲. د حج کيلي: احرام دی.
۳. د جنت کيلي: توحيد دی.
۴. د نېکۍ کيلي: رښتياويل دي.
۵. د علم کيلي: ښه سوال او ښه غوږ نيول دي.
۶. د برياليتوب کيلي: صبر دی.
۷. د خلاصون کيلي: تقوا ده.
۸. د زياتوب کيلي: شکر دی.
۹. آخرت ته د رغبت کيلي: په دنيا کي زهد دی.
۱۰. د اجابت کيلي: دعاء ده.
۱۱. د ايمان کيلۍ: د الله (جل جلاله) په نښو او مخلوقاتو کي فکر کول دي.
۱۲. د زړه د ژوند کيلي: په قرآن کريم کي فکر کول، د سهار په وخت کي الله (جل جلاله) ته زارۍ او عاجزي کول او د ګناهونو پرېښوول دي.
۱۳. د رزق کيلي: د استغفار او تقوا سره کوښښ کول دي.
۱۴. د عزت کيلي: د الله (جل جلاله) او د رسول الله (صلی الله عليه وسلم) اطاعت کول دي.
۱۵. آخرت ته د چمتو کېدو کيلي: لږ امېدونه لرل دي.
۱۶. د هر خير کيلي: الله (جل جلاله) او آخرت ته رغبت کول دي.
۱۷. د رحمت کيلي: د الله (جل جلاله) په عبادت کي ښه والی او مخلوق ته په ګټه رسولو کي کوښښ کول دي.
د شر کيلياني:
۱۸. د هري ګناه کيلي: شراب څښل دي، ځکه شراب ام الخبائث (د ګناهونو مور) ده.
۱۹. د زنا کيلي: سروز او د هغه اورېدل دي.
۲۰. د ناامېدۍ او محرومه کېدو کيلي: لټي (ټنبلي) او د راحت خوښول دي.
۲۱. د نفاق کيلي: درواغ ويل دي.
۲۲. د بخل او د صله رحمۍ پرېکولو کيلي: بُخل او حرص کول دي.
۲۳. د هر بدعت او ګمراهۍ کيلي: د هر هغه څه څخه مخ اړول چي رسول الله (صلی الله عليه وسلم) فرمايلي وي.
۲۴. د کفر کيلي: ټول ګناهونه دي.
هغه کس لره دي خوشحالي وي، چي هغه د خير کيلي او د شر قلف وي، او هغه کس لره دي هلاکت وي، چي هغه د شر کيلي او د خير قلف وي.
يا الله (جل جلاله)! موږ او ټول مسلمانان د خير د کيليو څخه وګرځوې. (آمين)
ماخذ : تعلیم الاسلام مجله (۱۶:ګڼه)
www.taleemulislam.net
ورته ليکنې:
تبصره
