د ادب اړوند څوسپڅلي خبري 

رالیږونکي :قاري خیرمحمد خبیب پشت رودي /تعلیم الاسلام ویب پاڼه 

۱ :- بې عقله سړي ته ادب ورکول داسي مثال لري،لکه حنظله بوټي ته چي سړی اوبه ورکوي. او حنظله بوټي ته چي هر څومره اوبه ورکوې، هغو مره ترخیږي.

۲ :- ادبناکه اوسه! چي ټوله خلک دي احترام او عزت وکړي.

۳ :- ادب او پوهه خپل شعار(نښه) وګرځوه! چي د وخت تر ټولو ښه سړی سې او د نېکانو خلکو سره یو ځای سې.

۴ :- ما ادب د بې اد بانو څخه زده کړ.

۵ :- د سړي ادب او علم، د ده تر زرو ښه دئ.

۶ :- ادب بېله علمه کېدلای سې، خو علم بېله ادبه ممکن نه دئ. 

۷ :- جمال او ښائست په جامه سره نه دئ، چي ته خپل ځان ته په هغه سره ښائست ورکوې، بلکي ښائست په علم او ادب سره دئ.

۸ :- خپلو بچیانو ته ادب ورکول، په هره ورځ کي تر صدقې کولو بهتره دئ.

۹ :- یتیم هغه نه دئ چي پلار یې مړوي، بلکي یتیم هغه دئ چي د ادب او عقل څخه بې برخي وي.

۱۰:-  ښه ادب د اخلاقو د پاکوالي سبب دئ.

ماخذ:  سپڅلي خبري 

www.taleemulislam.net