د روژې په مياشت کي ځيني لويي غزاګاني او جګړې

راټولوونکی: مولوي نورالحق مظهري/تعلیم الاسلام ویب پاڼه

د  روژې مبارکه مياشت لکه څنګه چي د عبادت او دعوت مياشت ده د جهاد في سبيل الله مياشت هم ده لدې کبله د تاريخ په اوږدوکي پدې مبارکي مياشتي کي مسلمانانو ډېر جهادونه او ډېري جګړې کړيدي چي ځيني يې په لاندي ډول دي.

۱ - د بدر غزوه:

په دويم کال کي د هجرت د روژې مياشتي پر 17 باندي وسوه.

۲ - د مکې فتح:

په اتم کال کي د هجرت د روژې پر لسمه باندي وسوه.

۳ - د قادسيې تاريخي جګړه: 

په پنځلسم کال کي د هجرت د روژې په مياشت کي د سعد ابن ابي وقاص رضي الله عنه په مشرتوب وسوه.

۴ - د اندلس فتح:

په ۹۲ کال کي د هجرت، د روژې په مياشتي کي د طارق بن زياد رحمه الله په مشرتوب وسوه.

۵ - د عموريه فتح: 

په ۲۲۳ هجري قمري کال د روژې په مياشتي کي د معتصم بالله په خلافت کي کله چي روميانو د مسلمانانو پر ښارونو باندي يرغل وکړ د يوې مسلماني ښځي چي روميانو ګيرکړې وه د کومک غوښتلو ږغ د "وامعتصماه" په آواز باندي معتصم بالله ته ورسېدی هغه دستي د لبيک لبيک په ويلو جواب ورکړ دستي يې پر مسلمانانو باندي وجنګ ته د آمادګۍ ږغ وکړ پر روميانو يې بريد وکړ هغه مسلمانه ښځه يې هم راخلاصه کړه او عموريه ښار يې هم د روميانو څخه ونیوی.

۶ - د حارم فتح:

په ۵۵۹ هجري قمري کال د روژې په مياشت کي د حام په سيمه کي د مسلمانانو او نصاراوو ترمينځ ډېره لويه جګړه وسوه چي بری د مسلمانانو په برخه سو.

۷ - د عين جالوت جګړه: 

په ۶۵۸ هجري قمري کال د روژې په مياشتي کي د عين جالوت په سيمه کي چي د بيسان او نابلس په مينځ کي موقعيت لري د سيف الدين قطز په مشرتوب د مسلمانانو ډېره لويه جکړه د تتاريانو سره وسوه چي بری د مسلمانانو په برخه سو.

۸ - د شقحب جګړه:

په ۷۰۲ هجري کال د روژې په مياشت کي د مسلمانانو او تتاريانو تر مينځ ډېره لويه جګړه وسوه چي يوه ورځ پوره يې دوام وکړ د مازديګر مخ ته مسلمانان پدې باندي وتوانېدل چي تتاريانو ته ماته ورکړي او ددوی ډېر لوی لښکر د ماتي سره مخامخ کړي چي د لښکر ډېره برخه يې د مسلمانانو په غشو او تورو باندي ووژل سوه او ډېر لږ يې په تيښته باندي بريالي سوه.

۹ - د بيت المقدس فتح:

په ۵۸۴ هجري قمري کال کي د روژې په مياشتي کي د حطين مشهوره جګړه د صلاح الدين ايوبي رحمه الله په مشرتوب د صليبيانو سره وسوه چي په نتيجه کي مسلمانانو بيت المقدس د صليبيانو څخه آزاد کړ او د مسلمانانو لومړی قبله يوځل بيا مسلمانانو ته وسپارل وسوه.

۱۰ - د قسطنطيه فتح:

په ۸۵۷ هجري قمري کال کي د روژې په مبارکه مياشت کي د عثماني خلافت باچا محمد الفاتح رحمه الله قسطنطية ښار چي اوس په استنبول باندي مشهور دی فتح کړ.

۱۱ - د فلسطين پر سر جنګ:

په ۱۳۹۳ هجري قمري کال کي د روژې په مياشتي کي د فلسطين پر سر د عربو مسلمانانو او اسرائيلو په جګړه کي عربي مسلمانان ځواکونه وتوانېدل چي د سويس تر کانال تېر سي او د اسرائيلو لوی لښکر نابود کړي.

www.taleemulislam.net