لیکنه: زینب دُورانۍ/ تعلیم الاسلام ویب پاڼه 

چاته پیغور مه ورکوه

یو چا ته پر تېر سوي ژوند او تېرو سوو غلطیانو  پیغور مه ورکوه؛ الله مکړه د هغه تیر سوی ژوند ستا آینده جوړه نه سي.

داسي هیڅ انسان نسته چي غلطي دي ونه کړي؛ ځکه انسان عاجزه دئ او د هر انسان سره شیطان سته، کله کله انسان په یو کار پوهیږي، چي غلط دئ او باید وې نه کړي، خو د هر څه سره سره بیا هم هغه کار تر سره کوي چي دا د الله د طرفه امتحان او ددې شخص لپاره یو ستره تجربه ده.

هیڅ چاته نه ښایي چي بل انسان ته د هغه د غلطیو پیغور ورکړي، ځکه چي دا کار دواړو اشخاصو ته تاوان لري.

تر پیغور ورکولو وروسته

 چا چي غلطي کړې وي هغه شخص د کمترۍ احساس کوي، پر ځان باور د لاسه ورکوي، د شرمندګۍ احساس کوي او په زړه کي ئې حسد کینه او نفرت پیدا کیږي.

پیغور ورکول په ټولنه کي د تضاد او بې اتفاقې سبب کیږي، په ټولو زړونو کي چي نفرت او حسد وي نو هیڅکله به یو د بل سره په خوشحالي او نبوي اخلاقو مثبت چلند ونه کړي.

چاته پیغور مه ورکوئ تر څو تاسي د پیغور څخه خوندي پاته سئ.

www.taleemulislam.net