لیکنه: ویس احمد ابراهيم / تعلیم الاسلام ویب پاڼه

د سورة طه لنډه پيژندنه 

سورة طه مکي سورة دئ، د مصحف او تلاوت په اعتبار ۲۰ سورة دئ.

سورة طه ۱۳۵ آية او ۸ رکوع لري.

عبدالله ابن مسعود (رضي الله عنه) فرمايلي دي چي: سورة بني اسرائيل، سورة الکهف، سورة مريم، سورة طه او سورة انبياء د بهترينو پخوانيو او اوليه سورتونو څخه دي چي ما حفظ کړي دي. (بخاري شريف - ۴۹۹۴)

د ابو امامه (رضي الله عنه) څخه روايت دئ چي رسول الله صلی الله علیه وسلم فرمايلي دي: د الله (عزوجل) اسم اعظم په سورة البقرة، سورة ال عمران او سورة طه کي موجود دئ. (صحيح ابي داود - ۱۳۴۱)

په سورة طه کي لاندي بيانونه ذکر سوي دي 

۱-  د الله (رب العزة) وحدانيت او الوهيت؛

۲-  د حضرت موسی (عليه السلام) قصه چي کله دی مبارک په پيغمبرۍ مبعوث کېدی؛

۳-  سيدنا موسی (عليه السلام) او د فرعون تر منځه خبري او مجادله؛ 

۴-  د ساحرانو او جادوګرانو ايمان راوړل؛

۵-  د فرعون او د فوج د غرقېدلو بيان؛ 

۶-  د حضرت موسی (عليه السلام) ملاقات د څلويښت ورځو له پاره د الله (عزوجل) سره؛ 

۷-  سامري د سرو زرو څخه د غوايي بچی (يعني ګېله ګی) جوړ کی تر څو عبادت ور ته وکي؛

۸-  د قيامت د ورځي بيان؛ 

۹-  د حضرت آدم (عليه السلام) او د ابليس قصه؛ 

۱۰-  د تيرو قومونو هلاکت او د دوی سرغړونه.

په تفسير طبری، د قرآن کريم تفسير د (حضرت يوسف علی) په واسطه، او تفسير ابن کثير کي د سورة طه موضوعات په لاندي ډول ذکر سوي دي.

۱-  دا کتاب (قرآن کريم) تذکره (يعني يادوري) ده د هغه کسانو له پاره چي د الله تعالی څخه بيرېږي.

۲-  د راتلونکي ژوند په پرتله د دې دنيا ژوند يوه ورځ يا هم د ورځي د يوې برخي په اندازه ده.

۳-  د سيدنا موسی (عليه السلام) واقعه چي د فرعون څخه د بني اسرائيلو د خلاصون په موخه را استول سوی وو.

۴-  د الله تعالی مکالمه د سيدنا موسی (عليه السلام) سره، او د ده مبارک (عليه السلام) مشهوره دعا (قَالَ رَبِّ ٱشْرَحْ لِى صَدْرِى ...)، او د ورور (يعني هارون عليه السلام) له پاره د نبوت غوښتنه.

۵-  د ساحرانو او جادوګرانو ايمان راوړل چي کله ئې د سيدنا موسی (عليه السلام) معجزه وليدل.

۶-  د قيامت د ورځي بيان.

۷-  دا کتاب په عربي ژبه را نازل سوی دئ، تر څو تاسو ښه په پوه سی او د علم د زيادت په موخه دا دعا واياست، (رب زدنی علما). 

۸-  د سيدنا آدم (عليه السلام) خلقت او د ابليس کبر او د سجدې کولو څخه انکار.

۹-  د نورو سره د دنيا په ورکړه کي حسد مه کوئ.

www.taleemulislam.net