لیکنه: ویس احمد ابراهيم / تعلیم الاسلام ویب پاڼه

د سورة الصف لنډه پېژندنه 

سورة الصف - د تلاوت او مصحف په اعتبار ۶۱ سورة دئ چي د هجرت وروسته په مدينة منورة کي نازل سوی دئ.

سورة الصف ۱۴ آية دئ او ۲ رکوع لري.

د دې سورة نوم د ۴ آية څخه اخستل سوی دئ، چي الله تعالی فرمايي: إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ.

ژباړه: يقيناً د الله تعالی هغه کسان خوښ دي چي د ده په لار کي جنګ او جهاد کوي په صف بندي (هغه هم داسي صف چي) لکه يو ځايي ټينګ تړل سوی ساختمان.

صف - معنی ډله، ترتيب، وېش.

په سورة الصف کي لاندي موضوعات ذکر سوي دي

۱-  ټوله پاکي الله (رب العزة) لره ده.

۲-  اې مؤمينانو، هغه څه مه واياست چي نه ئې کوئ.

۳-  د الله تعالی هغه مجاهدين خوښ دي چي د خپل رب په لار کي په صف او ترتيب سره جنګېږي.

۴-  سيدنا موسی (عليه السلام) خپل د قوم کسانو په عذابوئ، نو الله تعالی د هغو کسانو زړونه منحرف کړل.

۵-  عيسی ابن مريم (عليه السلام) بني اسرائيلو ته د رسول په حيث را استول سوی وو، چي د تورات او د حضرت احمد ﷺ تصديق کوونکی وو.

۶-  داسي ظالمانو ته الله تعالی هدايت نه کوي چي پر الله (رب العزة) درواغ وايي.

۷-  الله تعالی دا دين او رسول په حقه سره را استولی دئ، نو اې مؤمينانو تاسو هم د الله تعالی سره کومک وکئ، لکه د سيدنا عيسی (عليه السلام) ملګرو يعني حواريونو چي وکړئ.

www.taleemulislam.net