لیکنه: ویس احمد ابراهيم / تعلیم الاسلام ویب پاڼه

د سورة الممتحنة لنډه پېژندنه  

سورة الممتحنة د مصحف او تلاوت په اعتبار ۶۰ سورة دئ، چي د هجرت وروسته په مدينة منورة کي نازل سوی دئ.

سورة الممتحنة ۱۳ آية دئ او ۲ رکوع لري.

د دې سورة نوم د ۱۰ آية کريمې څخه اخستل سوی دئ، چي الله تعالی فرمايي: يَا أَيُّهَا الَّذِينَ آمَنُوا إِذَا جَاءَكُمُ الْمُؤْمِنَاتُ مُهَاجِرَاتٍ فَامْتَحِنُوهُنَّ....

ژباړه: اې هغه کسانو چي ايمان مو راوړی دئ، که مؤميني مهاجري (ښځي) در ته راسي نو تاسو ئې امتحان کئ....

(ممتحنة) د ښځي امتحان. 

په سورة الممتحنة کي لاندي موضوعات ذکر سوي دي

۱-  هغه کسان چي د الله تعالی او د مسلمانانو دښمنان دي، د هغو سره دوستي نه کول. کله چي دغه کسان په تاسو بر لاسي سي، نو به مو په لاس او ژبه سره په عذاب کي او د خپل دين څخه به مو وګرځوي.

۲-  په ورځ د قيامت به هيڅ دوست او قريب و چا ته کومه ګټه نه سي ور رسولای.

۳-  د سيدنا ابراهيم (عليه السلام) په ژوند کي ستاسو له پاره بهترينه نمونه ده.

۴-  اې مؤمينانو که مؤمينه ښځه هجرت وکي او درته راسي، نو د دوی نيت او باور امتحان کئ، که واقعاً مؤميناني وې، نو ئې مه جوابوئ او کفارو ته ئې مه ور سپارئ.

۵-  اې مؤمينانو، د هغه قوم سره دوستي مه کوئ چي الله تعالی باندي غضبناکه سوی وي، ولي چي دوی اخرت ته هيڅ اميد نه لري.

الله تعالی په سورة الممتحنة کي د حضرت ابراهيم (عليه السلام) يادونه داسي کړې ده:

يقيناً ستاسو له پاره د ابراهيم (عليه السلام) يو ښه مثال موجود دئ. کله چي ده مبارک خپل قوم ته وويل، چي زه بېزاره يم ستاسو څخه او د دې معبودانو څخه، چي تاسو ئې عبادت کوئ.

تر هغه وخته چي په يوه الله (رب العزة) ايمان راوړی، زما او ستاسو تر منځ به دښمني او نفرت موجود وي.

يوازنۍ استثناه دا ده چي ابراهيم (عليه السلام) خپل پلار ته وويل چي: زه به ستا له پاره د مغفرت خواست کوم د خپل رب څخه او زه دي د الله تعالی څخه نه سم ساتلای.

او سيدنا ابراهيم (عليه السلام) داسي وفرمايل: اې زما ربه، پر تا مو توکل دئ، هر وخت تا ته درګرځم او اخري مسير مي هم ستا و خوا ته دئ.

www.taleemulislam.net