لیکنه: ویس احمد ابراهيم / تعلیم الاسلام ویب پاڼه 

د سورة المجادلة لنډه پېژندنه 

سورة المجادلة د مصحف او تلاوت په اعتبار ۵۸ سورة دئ، چي د هجرت وروسته په مدينة منورة کي نازل سوی دئ.

سورة المجادلة ۲۲ آية او ۳ رکوع لري.

د دې سورة نوم د اول آية څخه اخستل سوی دئ، چي الله تعالی فرمايي: قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا...

مجادلة - يعني مباحثه و مناقشه.

د دې مبارک سورة بل نوم الظهار هم دئ. لکه څنګه چي په دوهم آية کريمة کښي الله (عزوجل) فرمايي: الَّذِينَ يُظَاهِرُونَ مِنْكُمْ مِنْ نِسَائِهِمْ مَا هُنَّ أُمَّهَاتِهِمْ...

په سورة المجادلة کي لاندي موضوعات ذکر سوي دي

۱-   د هغه ښځي خبري الله (رب العزة) واورېدې چي د رسول الله ﷺ سره ئې مجادله کوله.

۲-   د ظهر (لکه خپل کوروالا ته د مور خطاب کول) په اړه حکم او کفاره. او خپل زوجة (يعني کوروالا) ته د مور خطاب مه کوئ.

۳ -  الله تعالی په هر څه ښه خبر دئ او هر چيري درسره دئ.

۴-  منافقين به رسول الله ﷺ ته راتلل او سلام به ئې هغه رقم نه وراچوئ لکه څنګه چي الله تعالی ورښودلی وو، او ويل به ئې: که موږ پر حق نه يو، نو دا عذاب ولي نه را باندي راځي؟

۵-  اې مؤمينانو که تاسو په پټه سره يو ځای کېږئ، نو بايد د ښو او نيکو کارونو له پاره سره ووينئ.

۶-  اې مؤمينانو په مجلسونو کي پراخي پيدا کئ او ډلي ډلي مه کښېنئ.

۷-  اې مؤمينانو که د رسول الله ﷺ سره په شخصي ډول ملاقات کوئ؛ نو ترليدني د مخه ئې يو څه صدقه کوئ.

۸-  د الله تعالی او د رسول الله ﷺ بې اطاعتي مه کوئ، که نه ذليله به سئ.

www.taleemulislam.net