لیکنه: محمد نبي سلطاني/  تعلیم الاسلام ویب پاڼه 

له خلکو څه د ستایني تمه مه کوئ

هیڅکله د نورو د ستایني لپاره کار مه کوئ. تل هغه څه وکړئ چي تاسو یې غواړئ او هغه څه چي تاسو ئې فکر کوئ چي سم دي.

 نور ممکن ستاسو ستاینه وکړي یا نه؛ خو  تاسو د دوی پر ستاینه تکیه مه کوئ، که تاسو ښه کارونه د دې لپاره کوئ، چي  نور مو ستاینه وکړي او ستاسو د کار په ارزښت پوه سي، نو د مایوسۍ او نا امیدۍ لپاره چمتو اوسئ.

کله چې تاسو د ځان د اطمینان لپاره یو څه کوئ، دا تاسو ته ښه احساس، ذهن او فکر  درکوي. هرکله چې تاسو پر سم لور ګام پورته کوئ، پر منفي احساساتو او فکر بریالي کیږئ، دا مهمه نده چي نور څوک ستاسو په اړه څه وايي؛ بلکي مهمه دا ده چې تاسو د خپل ځان په اړه څه فکر کوئ. له ځان سره خبري وکړئ او هڅونکي او ځواکمني کلمې وکاروئ. دا به تاسو ته فکری او ذهني طاقت او قوت درکړي .

www.taleemulislam.net