لیکنه: مرحوم عبدالحميد ارغندابی/ تعلیم الاسلام ویب پاڼه

معنوي ګرانښت

د اهليت لياقت او پوهي څښتن متقي متواضع او مودب وي.  د هرچا سره په نرمه لهجه او خوږه ژبه خبري کوي،  هيڅوک نه ازاروي، د خدای په عبادت او د ولس په خدمت ځان مکلف بولي. په دي لار کي د هيڅ ډول ستومانۍ احساس نه کوي، هرڅه ته په دقيق نظر ګوري، حقيقت نه پټوي، پرمظلومانو زړه سوى لري، د ظالمانو سره د عدالت پراساس چلند کوي، د حسد کولو څخه نفرت کوي، پراخه حوصله او د ميني ډک زړه لري. 

 د عمل په ډګرکي ترهرچاګړندى وي، دهيڅ تکبر په وړاندي د تسليمۍ سرنه ټيټوي.  

د خپلي ورسپارل سوي دندي سره د زړه له کومي مينه لري.  

خپله وظيفه په صداقت او د يانت ترسره کوي؛ ځکه له خداى څخه بېریږي او د خپل سپيڅلي وجدان څخه شرميږي. 

 داسي څوک ټولنيزو ګټو ته پر ځاني ګټو ترجيح ورکوي. 

 داسي څوک هغه په کامل فکري تمرکز د پوهي په روڼا کي د ورځني مسائيلو تحليل کوي. 

داسي کسان نو په خپل قضاوت کي نه تېروزي، دارنګه شخصيتونه د اولس په منځ کي خاص ګرانښت لري،  هر څوک ورته د ميني او قدر په سترګه ګوري. 

 داسي ټولنه د اسلام، وطن او اولس واقعي خدمتګار ګڼي او ترهرقدم لاندي ئي ليمه ږدي. 

www.taleemulislam.net