د (ليکنيزي پوښتني) نورې ليکنې
تازه سرليکونه
بېلابېلې ليکنې
فتوا- که امام څو رکعتونه تېر کړي وي نو...؟
سوال : ملا صاحب اول رکعت دوهم رکعت دواړه تير کړي دي او پر اوله ناسته ناست دئ که زه چيري ورسره کښېنم نو بيا څنګه رکعتو نه را کرځوم او که په دريم رکعت کي وي نو څنګه او که په څلورم رکعت کي وي نو څنګه ؟
د سوال کونکي نوم : نادر
جواب : د کوم کس څخه چي يو يا څو رکعتونه تېر سوي وي هغه ته مسبوق وايي ، مسبوق چي امام په هر حالت کي ومومي په هغه حالت کي به اقتداء پسي کوي ، که امام پر سجده وو په سجده کي به ور سره يو ځاى کيږي ، د سجدې څخه د را ولاړېدو انتظار به نه باسي ، که امام ناست وو مسبوق به ور سره کښېني مسبوق چي په اوله ناسته کي د امام سره يو ځاى سي دوه رکعتونه د امام سره کوي ، څه مهال چي امام خپل لمونځ پوره کړي او سلام وګرځوي نومسبوق ولاړيږي اعوذ بالله ، بسم الله ، الحمد لله او سورت به وايي ، په دوهم رکعت کي به هم بسم الله ، الحمد لله او سورت وايي بيا اخره ناسته کوي او سلام ګرځوي که د دريم رکعت ولاړه يا رکوع د امام سره ونيسي هلته هم د امام د سلام وروسته په پورته ډول دوه رکعتونه کيږي.
که څلورم رکعت د امام سره ونيسي نو څه مهال چي امام سلام وګرځوي مسبوق به ولاړيږي اعوذ بالله ، بسم الله ، الحمد لله او سورت به وايي د سجدې وروسته به کښيني التحيات به وايي دا يې په اوله ناسته کي شمېرل کيږي ، هغه مخکنۍ ناسته چي د امام سره يې کړې ده هغه يې پر اوله ناسته نه شمېرل کيږي ، د التحيات وروسته به ولاړيږي بسم الله ، الحمد لله او سورت به وايي دا يې دريم رکعت سو ، څلورم رکعت به تش کوي يعني بسم الله او الحمد لله به وايي بيا رکوع ته ځي او د دوو سجدو وروسته کښېني او تر التحيات ، درود او دعا وروسته سلام ګرځوي .
ماخذ: تعلیم الاسلام مجله، ۸ ګڼه- د دارالافتاء څانګه
ورته ليکنې:
تبصره
