بسم الله الرحمن الرحیم 

عبدالسلام حنفي / تعلیم الاسلام ویب پاڼه

 د ( الابدي ،الازلي ، الامدي . او  السرمدي )  فرق 

 الابدي : هغه دی چي هيڅ نهایت نه لري.
الازلي : هغه دی چي  هغه لره شروع یا ابتداء  نه وي.
الامدي : هغه دي چي تر مابین د  الازلي او ابدي وي.
السرمدي : هغه دی چي نه شروع یعني ابتداء لري او نه پاي یعني انتهاء .

د ( التحسس  والتجسس )  ترمنځ فرق
 التحسس   : د خلکو د ښو او خیر خبرو تلاښ او پلټنه کول لکه چي الله جل جلاله  په قرانکریم کی د یوسف علیه السلام په واقعه کې فرمايي:
 (اذْهَبُوا فَتَحَسَّسُوا مِنْ يُوسُفَ وَأَخِيهِ) لاړ شئ د یوسف علیه السلام او د هغه د ورور پته ولټوئ.  

التجسس :  د خلکو د پټوو رازونو عیبونه پیژندل اود هغوی پلټنه کول  ، لکه قران کي چې الله جل جلاله فرمايي:

 (وَلَا تَجَسَّسُوا) د چا پټ عیبونه مه لټوئ  

د ( الصمت او السکوت ) ترمنځ فرق 
 الصمت : هغه چوپتیا ته وايي چې د اداب او  حکمت په وخت کي اختیاریږي.
سکوت : هغه چوپتیا ته وايي چي د د ویري په حالت کی اختیاريږي.

 د (  الکابة او الحزن ) ترمنځ فرق 

الکابة  : هغه غم دی چې  اظهار يي په مخ کي کیږي.
حزن : هغه غم دی چې  په زړه کي پټ وي.

د (  شرقت الشمس او اشرقت الشمس ) ترمنځ فرق
شرقت : په معنی د راختلو سره دی 
اشرقت : په معني د روښانه یا ځلانده  کیدلو سره دی لکه قران کي راځي:
 (وَأَشْرَقَتِ الْأَرْضُ بِنُورِ رَبِّهَا) یعني ځمکه به د خپل رب په نور سره ځلانده شي.

د (  التعلیم او التلقین ) ترمنځ فرق
 التلقین:  یواځي  په خبرو یا کلام کي وي 
التعلیم:  په خبرو او نورو شیانو کي هم چا ته ورکولی شي لکه یو عربي مقوله ده چي: لقنه الشعر، و لا يقال : لقنه النجارة.

 د جسد او بدن ترمنځ فرق
جسد: د انسان جسم د سر څخه نیولې تر پښو پوري ټول ته جسد وايي.
بدن  : یواځي د انسان تنې ته وايي اطراف نه دې په کي داخل لکه لاس ، پښي او سر. (ردالمحتار مع الدر المختار . ج ۳ص ۲۵۶ مکتبه شامله)

د ( التضاد او التناقض ) ترمنځ فرق 
 التضاد: په فعل کي واقع كيږي.
التناقض: په اقوالو  یعني خبرو کي واقع کیږي .

 د ( الهبوط او النزول ) ترمنځ فرق 
هبوط : په یو ځاي کې اقامت یعني د یو څه وخت لپاره اوسیدل ایت شریف کي راځي:
(اهْبِطُوا مِصْرًا فَإِنَّ لَكُمْ مَا سَأَلْتُمْ)

یعني نو ښار ته لاړ شئ څه چې غواړي هلته به يې ومومی.
 مطلب ښار ته د اقامت لپاره ولاړ شی.

نزول : د یو موقت وخت لپاره یوځای دریدل چي استقرار نه وي په کې.

د ( مختال او فخور ) ترمنځ فرق 
مختال: هغه کس ته وايي چې  خپل ځان ته د افتخار په سترګه ګوري.
فخور: هغه چا ته وايي چې  نورو خلکو ته د حقارت په سترګه ګوري.

د ( الظلم او الهضم ) ترمنځ فرق  
الهضم :  د چا څخه د بعضي حصي یا حق خوړل.
ظلم :  د یو چا په پوره او ټول حق باندي قبضه کول.
 لکه قران کې چي راغلي دي: (فَلا يَخَافُ ظُلْمًا وَلا هَضْمًا)  او هغه چا ته به د څه ظلم او حق ضایع کیدو خطره نه وي چي ښه عمل وکړي.

د  (المقسط او القاسط ) ترمنځ فرق 
المقسط : عادل او انصاف کوونکي ته وايي.
لکه الله جل جلاله چي په  قرانکریم کې فرمايي:

(إِنَّ اللَّهَ يُحِبُّ الْمُقْسِطِينَ) الله جل جلاله د عدالت کوونکي کسانو سره محبت لري.

قاسط :  ظالم او د حق څخه مخ اړونکي ته وايي.
لکه په قرانکریم کي  چي راځي:  (وَأَمَّا الْقَاسِطُونَ فَكَانُوا لِجَهَنَّمَ حَطَبًا) او کوم  کسان چې د حق څخه مخ اړونکي دي هغوی د جهنم د سون مواد ګرځیدونکي دي.