دالله (جل جلاله) نومونه اوصفتونه

دالله (جل جلاله) نومونه اوصفتونه

لیکنه : عبدالهادي (حماد)/تعلیم الاسلام ویب پاڼه 

دالله(جل جلاله) ټول نوموه نيك اوسپېڅلي دي اوټوله يې ددې جوګه دي چي خپل رب انسان په ياد كړي ځكه الله(جل جلاله) فرمايي : 

وَلِلهِ الاسْمَآءِ الحُسْني فَادْعُوهُ بِهَا .

ژباړه : دالله(جل جلاله) نومونه نيك دي تاسو يې هم په دغه نومونو ياد كړى .

دالله(جل جلاله) هغه نومونه اوصفتونه چي په قرانكريم ذكر سوي دي (۹۹) يې په لاندي حديث كي راغلي دي :

عن ابي هريرة(رضي الله عنه) قال : قال رسول الله(صلی الله عليه وسلم) ان لله تسعة وتسعين اسما مآءة غير واحد من احصاها دخل الجنة هوالله الذي لااله الاهو الرحمن الرحيم الملك القدوس السلام المؤمن المهيمن العزيز الجبار المتكبر الخالق البارئ المصور الغفار القهار الوهاب الرزاق الفتاح العليم القابض الباسط الخافض الرافع المعز المذل السميع البصير الحكم العدل الطيف الخبير الحليم العظيم الشكور العلي الكبير الحفيظ المقيت الحسيب الجليل الكريم الرقيب المجيب الواسع الحكيم الودود المجيد الباعث الشهيد الحق الوكيل القوي المتين الولي الحميد المحصي المبدئ المعيد المحي المميت الحي القيوم الواجد الماجد الواحد الصمد القادر المقتدر المقدم المؤخر الاول الآخر الظاهر الباطن  الوالي المتعالي ذوالجلال والاكرام المقسط الجامع الغني المغني المانع الضار النافع النور الهادي البديع الباقي الوارث الرشيد الصبور.

ژباړه : رسول الله(صلی الله عليه وسلم) فرمايي : دالله(جل جلاله) (۹۹) يوكم سل نومونه دي څوك چي يې ازده كړي اوياد يې كړي الله(جل جلاله) به يې جنت ته داخل كړي .(لومړى نوم يې الله(جل جلاله)) ،الله(جل جلاله) هغه ذات دي چي دده پرته بل لايق دعبادت نسته .
الله(جل جلاله) رحمان دى : زيات مهربانه .

 رحيم :  رحم كونكي.

الملك : حقيقي پاچا .

القدوس :  زيات سپېڅلي .

السلام :  دهرعيب څخه سلامت .

 المؤمن : ومؤمنانو ته دعذاب څخه امن وركونكي .

المهيمن : ساتونكي .

العزيز : پر چاباندي غالب .

الجبار : دټولو چارو سمونكي .

المتكبر : دلويۍ څښتن .

الخالق : دهر شي پيداكونكي .

البارئ : بې مثله .

المصور : تصوير وركونكي .

الغفار : زيات بخښونكي .

القهار : پرهرشي باندي برلاسي .

الوهاب : دبدلې پرته وركونكي .

الرزاق : زيات روزي اورزق وركونكي وټولو مخلوقاتو .

الفتاح : خلاصونكي درحمتونو عامو اوخاصو ته .

العليم : په ټولو پټو اوښكاره شيانو باندي علم لرونكي.

القابض : دبندګانو دزړو تنګونكي اوروح قبض كونكي .

الباسط : دزړونو اوروزۍ خلاصونكي .

الخافض : كښته كونكي .

الرافع : دخپلو دوستانو دمرتبو لوړونكي .

المعز :  عزت وركونكي .

المذل : خوارونكي .

السميع : زيات اوريدونكي .

البصير : زيات ليدونكي .

الحكم : حكم وركونكي .

العدل : انصاف كونكي .

اللطيف : دخپلو دوستانو سره نرمي كونكي .

الخبير : زيات خبردار.

الحليم : زغم كونكي .

العظيم : زيات لوي ذات دي .

الغفور : زيات بخښونكي .

الشكور:دلږ نيك كارپه بدله كي زياته مزدوري وركونكي. 

العلي : زيات لوړ .

الكبير : دومره لوي چي ترهرڅه زيات وي چي انسان يې فكر كوي .

الحفيظ : دټولو مخلوقاتو ساتونكي .

المقيت : ټولو مخلوقاتو ته قوت وركونكي .

الحسيب : حساب اخستونكي .

الجليل : زيات لوي .

الكريم : زيات سخاكونكي .

الرقيب : زيات ساتونكي .

المجيب : دعا قبلونكي .

الواسع : پراخي راوستونكي .

الحكيم : دحكمت څښتن .

الودود : په زړونو كي محبوب .

المجيد : سخا يې بيخي زياته ده .

الباعث  : مړي دقبرو څخه پورته كونكي .

الشهيد : په پټو اوښكاره شيانو باندي خبردار .

الحق : شتون يې ثابت دي .

الوكيل : دبندګانو چاره كونكي .

القوي : زيات ځواكمن .

المتين  : زيات محكم چي په هيڅ كار كي نه ستړي كيږي .

الولي : دمؤمنانو دوست .

الحميد : ستايل سوي .

المحصي : دټولو مخلوقاتو دشمير لمخي اداره كونكى .

المبدئ : دهرشي لومړي پيداكونكي .

المعيد : دوهم ځل ګرځونكي .

المحي : ژوندي كونكي .

المميت : مړكونكي .

الحي : تل ترتله ژندي .

القيوم : په خپله قائم اودنورو قائمونكي .

الواجد : بي پروا .

الماجد : لوي .

الواحد : په ذات اوصفاتو كي يودي .

الصمد : بي نيازه اوبي احتياجه دي .

القادر : زيات توانا دي .

المقتدر : خپل واك څرګندونكي دي .

المقدم : وړاندي كونكي دهغه شي دي چي دوړاندي والي وړتيا لري . 

المؤخر : وروسته كونكي دهغه شي دي چي دوروسته والي وړتيا لري .

الاول : دهرشي لومړي دي .

الآخر : دهرشي وروستي دي .

الظاهر : په نښانو اودلايلو سره ښكاره دي .

الباطن : دخلګو دسترګو څخه پټ دي .

الوالي : دهرشي مالك دي .

المتعالي : دمرتبې لمخي زيات لوړدي .

البر : پر خپلو بندګانو باندي احسان كونكي دي .

التواب : توبه قبلونكي دي .

المنتقم : بدله اخستونكي دي .

العفو : بخښه كونكي دي .

الرؤف : زيات مهربانه دي .

مالك الملك : دټولو موجوداتو مالك دي .

ذوالجلال والاكرام : دلويۍ او وركړي څښتن دي .

المقسط : دعدل اوانصاف څښتن دي .

الجامع : دقيامت په ورځ دټولو مخلوقاتو يوځاي كونكي دي .

الغني : بي پروا دي .

المغني : بې پرواكونكي دي .

المانع : دتاوانو څخه ژغورونكي دي .

الضار : ضرر رسونكي دي .

النافع : ګټه رسونكي دي .

النور : روښنايي كونكي دي .

الهادي : دسمي لار ښودونكي دي .

البديع : بېله مادي دمخلوقاتو پيداكونكي دي .

الباقي : ترتله به پاته وي .

الوارث : دټولو مخلوقاتو اصلي وارث دي .

الرشيد : لارښودونكي دي .

الصبور : صبر كونكي دي .

يادونه : دالله(جل جلاله) پرصفتونو که په لنډ ډول وږغيږو ويلاي سو چې دالله ( صفتونه پردوه ډوله دي )

الف : سلبي صفتونه .

ب : ثبوتي صفتونه .

سلبي صفتونه دهغه صفتو څخه عبارت دي چي الله(جل جلاله) لره ثابت دي اوبندګانو ته يې داضافت پرته ثابتول روا ندي لكه رحمان ، رحيم ، صمد اوداسي نور هغه بندګان په موصوفيږي چي اضافت يې وسي لكه عبدالرحمان اوداسي نور . 

ثبوتي صفتونه دهغه صفتو څخه عبارت دي چي دالله(جل جلاله) پرته بندګان هم په موصوف كيدلاي سي  لكه قديم ، كلام اوداسي نور .ديادوني وړده چي ټول  صفتونه بيا پردرې ډوله دي لومړي ذاتي صفتونه دوهم فعلي صفتونه او دريم متاشبه صفتونه .

ذاتي صفتونه دهغه صفتوڅخه عبارت دي چې الله ( جل جلاله لره ثابت وي اوپه ضد يې الله(جل جلاله) نه موصوفيږي ( نه پيژندل کيږي ) لکه علم چې دالله(جل جلاله) ذاتي صفت دى الله(جل جلاله) لره ثابت دي اوضد يې ناپوهي ده الله(جل جلاله) لره نه ثابتيږي . 

فعلي صفتونه د هغه صفتونوڅخه عبارت دي چې الله(جل جلاله) لره ثابت دي اوالله(جل جلاله) دهغو صفتونوپه ضد هم موصوفيږي لکه احياء ( ژوند ورکول ) دالله(جل جلاله) فعلي صفت دي الله(جل جلاله) لره ثابت دي اوپه ضد يې چې د مرګ ورکولو څخه عبارت دى هم موصوفيږي يعني الله(جل جلاله) مختاره دى چې څوک ژوندي کوي اوڅوک وژني . 

 

ماخذ: ریښتني اصلاح .

www.taleemulislam.net

تبصره

يو نوم خامخا وليکئ.دغه نوم تر ٤٠ تورو زيات دى.
برېښناليک خامخا وليکئ.دغه برېښناليک تر ٤٠ تورو زيات دى.دغه برېښناليک باوري نه دى!.
متن خامخا وليکئ.متن تر وروستي بريده رسېدلى دئ.
	که نه لوستل کېږي دلته کليک وکړئ.