زموږ په وطن کي مدرسې وي خدایه !

شاعر: علي احمد جان کاکا

زموږ په وطن کي مدرسې وي خدایه !
ترڅنګ قلم او کتابچې وي خدایه !

زموږ وجود ته  خوشحالي راوله 
زموږ په منځ کي ښې قصې وي خدایه!
زموږ په وطن کي مدرسې وي خدایه !
 
موږ یو تر بله جارېده سره کړو
ستا په قرآن مو فیصلې وي خدایه !
زموږ په وطن کي مدرسې وي خدایه !

چي د سنتو سو د فرضو تابع
چي مو اوچتي لنګوټې وي خدایه !
زموږ په وطن کي مدرسې وي خدایه !

کاکا د ښو خلګو یاري کوه تل
چي مو نصیب جنت باغچې وي خدایه !
زموږ په وطن کی مدرسې وي خدایه !