په اسلامي نړې کي د قوميت د فکر خپریدل  

 ایډیټ : بصیر یوسفزی / تعلیم الاسلام ویب پاڼه 

 د قومیت په لور بلنه د اسلام په وړاندی ناروا ده رسول اکرم صلی الله عليه وسلم تری داسی منع کړی ده : دعوها فانها منتنه ( دا کار پريږدۍ بوۍ لری)

خو کله چې د اسلام په ضد د توطئی پروګرام وو، تر څو هغه اسلامي دولت چې د عقیدي او فکر په اساس ولاړ وه له مینځه يوسي نو په ډیرو ځایونو کې پټو او د ځمکی څخه لاندی حزبونو او ډلو هڅه وکړه چې د قومیت  او وطن پرستی نوم اوچت او بلنه ورته وکړی.

په غربی صلیبی دولتونو کې داسی پټ تنظيمونه جوړ سوه چې د قومیت په لور یې بلنه کوله او شپه او ورځ يې هڅه کوله چې عثمانی خلافت او د هغوی اسلامی حکومت ( که څه هم خورا ناتوانه او د اسلام سره یی اړیکی ډیری سستی سوی وی ) له مینځه یوسی د قومیت په نوم تنظیمونه او ډلی جوړی او تر نن پوری وروسته لدى چې د اسلام د دښمنانو په ملاتړ یې د اسلامی خلافت دولت له مینځه یو وړ په اسلامي نړۍ کې واکمن دي. 

قومي فكر يوازې دا خبره پوره نه ګڼی چې د خلکو زړونه او عقلونه دتبلیغاتی وسایلو لکه اخبار ، راديو ، تلویزیون ، کتابونو او نورو خپرونو په واسطه د ځان تابع کړی بلکه غواړی چې په مکتبونو او پوهنتونو کې د زده کړی د نصاب په صفت استعمال سی او پدی برخه کې د حاکمی طبقی چې له یوی خوا همدا ډول فکر لري او له بلی خوا دوی هم د دی فکر د خاوندانوله لوري پوره ملاتړ هم ورسره سته ځکه چې د زده کړی پروګرام او تعلیمی نصاب د یوی ټولنی د سیاسی روش ښکارندوی دي.

او دا ښکاره خبره ده چې په اسلامي نړۍ کې د تعلیم او تربيي خپل سوی اسلوب خورا زیات ناکام دی چې په بی دینی (سیکولیریزم) او قومیت باندی اتکاء لري.

او له دین څخه بیزاری (سیکولیریزم ) او قوميت ته اتکاء د دی معنا لري چې د یهودیانو او صلیبیانو هغو پتو پروګرامونو ته يې پوره غاړه ایښی ده.

چې په اسلامي نړۍ کې يې د الحاد خپرولو لپاره په کار اچولي دي په اسلامي دولتونو کې باید هڅه وسي چې تعليم او تربیه د اسلام په رڼا کې وسي خو د صلیبی فکرونو سره ملاتړی قوتونه تل زیار باسی چې اسلامي موادو او دینی موضوعاتو په ځای قومی مسائل تدريس سي.
 د عقل څښتنان پدی پوهیږی چې د قومیت فکر ته رشد ورکوونکی هغه صلیبیان دی چې د يهوديانو سره نژدی اړیکی لری نو دا فکر اصلا د صلیبیانو له لوري یوه لویه توطئه وه.

او دا چې د قوم پر اساس حزبونه جوړ سوه - هدف دا وو چې په اسلامي هیوادونو کې دا فکر رشد وکړی او هم پري اسلامي خلافت له مینځه ولاړ او پدی اوس وختونو کې د اسلامي ټولنی د جوړیدو مخنیوی پری وسي.

ماخذ: اسلامی نړۍ نن سبا 

www.taleemulislam.net