لیکنه: مولوي نورالحق مظهري/ تعلیم الاسلام ویب پاڼه

د درو نفرو سره ناسته د انسان زړه وژني 

قَالَ بَعْضُ الْحُكَمَاءِ: ثَلاثَةُ أَشْيَاءَ تُمِيتُ الْقَلْبَ: مُجَالَسَةُ الأَنْذَالِ، وَمُجَالَسَةُ الأَغْنِيَاءِ، وَمُجَالَسَةُ النِّسَاءِ.[المجالسة وجواهرالعلم۳۳۹۹]

ژباړه: ځينو حکماؤ ويلي دي: درې شيان د انسان زړه وژني: د سپکو خلګو سره ناسته، د اغنياؤ سره ناسته او د ښځو سره ناسته.

توضيح: د سپکو او بې اعتباره انسانانو سره ناسته ځکه د انسان زړه وژني چي د هغوی سره په ناسته کي انسان بدي او ناروا خبري اوري چي طبعا پر زړه يې تأثير کوي او زړه يې ورسره مړ کيږي، دلته د اغنياؤ او سرمايه دارانو څخه هغه کسان مراد دي چي ټوله وخت د مال او پيسو په بحث او خبرو کي تېروي او د الله تعالی ذکر او ښې خبري ورڅخه پاتي وي؛ دداسي خلګو سره ناسته طبعا د انسان د زړه د مړ کېدلو سبب جوړيږي ځکه چي د الله د ذکر څخه غفلت خپله د انسان زړه وژني، البته هغه تجاران او سرمايه داره خلګ چي ښې خبري او اسلامي مجلس کوي د هغوی سره ناسته هيڅ پروا نلري او د ښځو سره ناسته ځکه د انسان پر زړه بد تأثير کوي او د مړيني سبب يې جوړيږي چي د ښځو سره په ناسته کي انسان د ډېرو خطرناکو فتنو او کارونو سره مخامخ کيږي چي په کولو سره طبعا د انسان زړه د تقوی څخه ليري کيږي او مړ کيږي.