د (اسلام او ساينس) نورې ليکنې
تازه سرليکونه
بېلابېلې ليکنې
رانجه په اسلام او ساینس کي (۳)
لیکنه او څیړنه: استاذ عبدالغفار جبیر / تعلیم الاسلام ویب پاڼه
علامه ابن قیم الجوزی رحمة الله علیه د رانجو د استعمال د ګټو په هکله لیکي:
رانجه سترګي صحتمندي ساتي، د سترګو دید زیاتوي، ښکلا او ځلا ورکوي، هغه مواد چی و سترګوته تاوان رسوي هغه له منځه وړي، او که د خوب په حالت کي استعمال سي بیا په دې ډېر ښه دي چي سترګي حرکت نه کوي او رانجه د سترګو و هر ځای ته ځان رسوي. زاد المعاد ۴/ ۲۵۷)
طبیب علامه البغدادي رحمة الله علیه د اثمد د رانجو په هکله لیکي:
باڼو ګان غټوي او شنه کوي او د سترګو د روغتیا ضمانت کوي.
علامه ابن سینا د اثمد په هکله لیکي:
د اثمد رانجه سترګي ښه ساتي او د سترګو زخمونه لیري کوي.
اثمد رانجه څنګه جوړیږي؟
د اثمد رانجه داسي جوړیږي چی کله ډبره ښه میده سو، بیا د زیتون تېل ورسره یو ځای کوي چي غوړ سي، او کله هم د مندوو تېل ورسره یو ځای کوي، له دې څخه وروسته ځیني کسان مشک او عود هم ورسره یو ځای کوي تر څو ګټه یې ډیره سي.
د رنجو د استعمال طریقه
په رانجو باید ۳ ځلي سترګي توري کړل سي
د حضرت عبدالله بن عباس رضی الله عنهما څخه روایت دﺉ چي رسول الله صلی الله علیه وسلم د خوب څخه مخکي درې درې ځلي سترګي تورولې. (شمائل ترمذی پاڼه: ۵)
په سترګو تورولو کي درې سنتونه:
۱: درې درې ځلي تورول.
۲: لومړی راسته سترګه بیا چپه سترګه.
۳: رسول الله صلی الله علیه وسلم به کله دوه دوه ځلي سترګي توري کړې او دریم ځل به یې په یوه لرګي دواړې سترګي توري کړې. (جمع الوسائل: پاڼه: ۱۰۳، ۱۰۴)
رانجوننې (سرمه دانۍ) سنت ده:
د حضرت عبدالله بن عباس رضی الله عنهما څخه روایت دﺉ چي رسول الله صلی الله علیه وسلم رانجوننې (سرمه دانۍ) درلودل . (شمائل: ۵)
د سترګو تورول د نر لپاره هم جائز ده:
که چیري نارینه رانجه استعمال کړي ورته جائزه ده هیڅ مشکل نلري. (فتاوی احیاء العلوم ټوک:۱ پاڼه: ۲۷۹)
که رانجو سترګو ته نقصان رسوئ بیا دي نه استعمالوي:
که چیري د رانجو په استعمال سره د یو چا سترګو خارښت پیدا کړ او یا یې تاوان ور رسوئ بیا دي نه استعمالوي.
(دارالافتاء جامعه دارالعلوم کراچی، ۴/ ۱۲/ ۱۴۲۱ هق، بحواله: جامع الفتاوی ټوک:۳، پاڼه: ۴۰۴)
نارینه هم تور رانجه استعمالولای سي:
که چیري نارینه تور رانجه د سترګو د قوي کېدو او علاج لپاره استعمالوي هیڅ پروا نلري، په حدیث شریف کي رانجه راغلي دي، تور او سپین نه دي ذکر سوي. (کتاب الفتاوی: ټوک:۶، پاڼه: ۸۰)
ان شاءالله نور بیا...
---------------
مخکنۍ برخي: رانجه په اسلام او ساینس کي
ورته ليکنې:
تبصره
