د (فکري پوهنه) نورې ليکنې
تازه سرليکونه
بېلابېلې ليکنې
سیکولرزم
لیکنه: مسلم احسانمل / تعلیم الاسلام ویب پاڼه
د سیکولریزم هدف د یو داسي ټولنیز نظام قایمول دي، چیري چي یو څوک د الله جل جلاله د حکم د پیروۍ پرته چي یې څه زړه غواړي وکړي، ځکه چي سیکولر فکر په ټولنیز ژوند کي د پرېکړو او قانون جوړولو لپاره د کوم رسول او آسماني کتاب څخه په هدایت اخیستلو قایل نه دی.
د دوی په نظر د قانون مأخذ یوازي او یوازي انساني خواهشات دي.
د سیکولر قانون هدف دا دی چي څنګه وکولای سي انساني خواهشات په داسي ډول د انسان لپاره ترتیب کړي چي په دې نړۍ کي یې په بشپړ ډول خوند اخیستل ممکن وي.
د سیکولر نظم تطبیق او کامیابي ددې کار سره شرط ده چي باید ټوله پر دې عقیدې ایمان راوړي چي د زیاتو خواهشاتو د تکمیل لپاره په سیکولریز فکر جوړېدونکي قوانین تر نورو ټولو قوانینو زیات معقول دي.
سیکولر قانون ټوله انسانان د ریاست د قوت په ذریعه قانوناً پر دې فیصله مجبوروي چي هغه باید د سیکولر قانون مطابق خپل ژوند تېر کړي.
د سیکولرازم اصل او خاص هدف دا دی چي مسلمان اُمت په حاضر دور کي د اسلام څخه بې لاري او بې زاري کړي او مادیت ته یې راوګرځوي، تر څو د غرب تر لاس لاندي همداسي پاتي سي
.
ددې لپاره چي اسلامي فکر، اسلامي روحانیت او د اسلام سره بشپړه اړیکه د مسلمانانو د کامیابۍ او بري اصلي کیلۍ ده نو ځکه مسلمانانو ته پکار ده چي خپله ټوله توجو، ایمان او عمل د اسلام پر غوښتنو برابر کړي، نه دا چي د مادیت د مکر او فریب په جال کي راګیر سي.
اللهم انانسئلک العفو والعافیة فی الدین و الدنیا و الاخرة۔
ورته ليکنې:
تبصره
