تازه سرليکونه
د (تعليم الاسلام مجله) نورې ليکنې
تازه سرليکونه
بېلابېلې ليکنې
نیت او عمل
  تعليم الاسلام ويب پاڼه
  October 13, 2020
  0

نیت او عمل

 

لیکنه: محمد ابدالي

 

د شرعي اعمالو په ترسره کولو کي د اخلاص نیت تر ټولو مهم شئ دئ.

د مسلمانانو لپاره تر ټولو غوره او اړین کار د الله ﷻ رضا کول دي، کوم چا چي د الله ﷻ رضا ترلاسه کړه، په حقیقت کي هغه د دنیا او آخرت بریالیتوب او ټولي ښیګڼي ترلاسه کړې.

 

خپلي هڅي او ټوله توجه مو دې ته واړوئ چي څنګه د الله ﷻ رضا او د هغه د رسول ﷺ رضا حاصله کړئ، که څه هم ټول خلک درڅخه ناراضه او ناخوښه سي، مګر د الله ﷻ او د هغه د رسول ﷺ د رضا خاصیت دا دئ چي ټول خلک به ستاسو سره مینه ولري او عزت به مو کوي.

د الله ﷻ عادت پر دې جاري دئ چي د محنت نتیجه راحت وي او د مشقت نتیجه سهولت وي، لکه څنګه چي الله ﷻ فرمایلي دي:{فَإِنَّ مَعَ الْعُسْرِ يُسْرًا}[سُوۡرَةُ الشَّرح: ۵]

ژباړه: نو حقيقت دا دی چي له تنګسې سره پراختيا هم سته.

 

همت مه بایلئ!

کوم کار چي ستاسي په آند ډیر ګران او مشکل وي، هغه الله ﷻ ته ډیر اسانه دئ، نو هیڅکله همت مه بایلئ، بلکي الله ﷻ ته متوجه اوسئ او لاس په کار سئ.

 

ـــــــــــــــــــــــــــــــــــــــــــــــ

مأخد تعليم الاسلام مجله 24 ګڼه

سرته