لیکنه : مولوي نورالحق مظهري / تعلیم الاسلام ویب پاڼه 

عَنْ إِسْمَاعِيلَ بْنِ أُمَيَّةَ، قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ: ثَلَاثَةٌ لَا يُعْجِزُهُنَّ ابْنُ آدَمَ: الطِّيَرَةُ، وَسُوءُ الظَّنِّ، وَالْحَسَدُ، قَالَ: فَيُنْجِيكَ مِنَ الطِّيَرَةِ، أَنْ لَا تَعْمَلَ بِهَا، وَيُنْجِيكَ مِنْ سَوْءِ الظَّنِّ أَنْ لَا تَتَكَلَّمَ، وَيُنْجِيكَ مِنَ الْحَسَدِ أَنْ لَا تَبْغِيَ أَخًا سُوءًا.[شعب الايمان1129]

ژباړه: د اسماعيل بن اميه څخه روايت دی چي رسول الله صلي الله عليه وسلم وفرمايل: درې شيان دي چي بني آدم يې نسي ختمولای: بدفالي، بدګمان او حسد. بيا يې وفرمايل: د بدفالۍ څخه تاته دغه نجات درکوي چي عمل ورباندي ونکړې، د بدګمان څخه تاته دغه نجات درکوي چي خبري ونکړې او د حسد څخه تاته دغه نجات درکوي چي بد ورور و نه غواړې.

يعني درې شيان دي چي انسان ورڅخه نسي خلاصېدلای: بدفالي ده، بدګمان دی او حسد دی؛ خو د درو واړو څخه انسان په درو کارونو باندي نجات پيدا کولای سي د بدفالۍ څخه پدې باندي نجات پيدا کولای سي چي عمل ورباندي ونکړي، د بدګمان څخه پدې باندي نجات پيدا کولای سي چي د چا په اړه خبري ونکړي او د حسد څخه پدې باندي نجات پيدا کولای سي چي نا اهله ملګری او دوست د ځان لپاره انتخاب نکړي ځکه نا اهله دوست دي د نورو دوستانو سره جنګوي او د هغوی په اړه تاته حسد او بدګماني پيدا کوي.

www.taleemulislam.net