د (چاڼ سوي مضامين) نورې ليکنې
تازه سرليکونه
بېلابېلې ليکنې
د هلاکت څخه د نجات لار
د هلاکت څخه د نجات لار
لیکنه: علی الله متوکل الرحمن / تعلیم الاسلام ویب پاڼه
قران کریم خپل د ژوند قانون جوړول، د نبي ﷺ پر سیرت عمل کول او د هغه مبارکه لاره خپلول د هلاکتونو څخه د نجات لاري دي خو بیا هم د علماوو د اقوالو په رڼا کي ځني یي لاندي را جمع سوی
د نجات لاندي لاري و عامو اسبابو او خاصو اسبابو ته ویشل کیږي.
الف. د هلاکت څخه د نجات عمومي اسباب
۱. د امربالمعروف او نهي عن المنکر عملي کول: کچیري موږ د الله ﷻ ددین ساتنه په دي عمل سره وکړو نو الله ﷻ به زموږ ساتنه وکړي (د کفارو او د هغوی له فتنو څخه).
۲. پر حق ثابت پاته کیدل: د الله ﷻ پر حقه لاره پاته کیدل، دین په سمه توګه پیژندل، او ددي لپاره د الله ﷻ عبادت، د علماء سره ناسته او د هغوی د مجالسو څخه فیض اخیستل ضروري دي.
۳. پر نعمتونو باندي شکر ادا کول: د الله ﷻ لخوا څخه راکړل سوو نعمتونو باندي شکر ایستل او په هر حالت او هر څه کي د الله ﷻ رضا لټول.
۴. په نیکو اعمالو کي تلوار کول: ددي لپاره چي په هلاکت کي و نه لویږو لازمه ده چي د نیکو اعمالو په کسب کولو کي بیړه وسي او د الله ﷻ او رسول ﷺ و لاري ته نږدي سو.
۴. د اخرت د لاسته راوړلو قصد کول: دا چي دونیا کي ژوند کول امتحان دی نو په امتحان کي ښه بری لاس ته راوړل دي نو ځکه دا ضروري ده چي په دونیا کي د اخرت کوښښ وسي او د ابدي نړی سعادت لاس ته راوړل سي.
ب. د هلاکت څخه د نجات خاص اسباب
۱. وصله رحمي کول: هغه وسیله ده چي اسلامي ټولنه پر یوه ټغر سره کښینوي. په زړونو کي مینه را شنه کوي او په ډیره اسانی سره د یوه صالح مشر تر قیادت لاندي ټولنه، کورنی او افراد له هلاکت څخه ژغورل کیدای سي.
۲. دعا کول: د مسلمان أپاره یوه ارښتناکه وسیله ده چي د خان اصلاح او د الله ﷻ څخه د هدایت غوښتنه په کولای سو. دعا د عبادت زړه دی او په قران او سنتو کي یي زیات توصیف سوی:
وَ اِذَا سَاَلَکَ عِبَادِیۡ عَنِّیۡ فَاِنِّیۡ قَرِیۡبٌ ؕ اُجِیۡبُ دَعْوَۃَ الدَّاعِ اِذَا دَعَانِ ۙ فَلْیَسْتَجِیۡبُوۡا لِیۡ وَلْیُؤْمِنُوۡا بِیۡ لَعَلَّہُمْ یَرْشُدُوۡنَ (سورة البقره ۱۸۶)
ترجمه: او ( ای پیغمبره ﷺ ) زما بندګان که ستا څخه زما ( لیري والي او نژدې والي) په اړه پوښتنه وکړي؛ نو هغوی ته ووایه چي زه ورته ډیر ژدي یم؛ بلونکی چي کله ما وبلي، زه د هغه بلنه اورم او جواب ورکوم، نو هغوی ته ښایي چي زما بلني ته لبیک ووایي او پر ما ایمان راوړي ( ته دا خبره هغو ته واوروه)، کیدای سي چي سمه لاره و مومي.
================================================
ورته ليکنې:
تبصره
