د سورة يونس لنډه پېژندنه

لیکنه: ویس احمد ابراهيم / تعلیم الاسلام ویب پاڼه

سورة يونس  د ترتيب په اعتبار ۱۰ سورة دئ، چي د هجرت څخه د مخه په مکة معظمة کي نازل سوی دئ.

سورة يونس ۱۰۹ آيته او ۱۱ رکوع لري.

د دې سورة نوم د ۹۸ آية څخه اخستل سوی دئ، چي الله تعالی فرمايي: (فَلَوْلَا كَانَتْ قَرْيَةٌ ءَامَنَتْ فَنَفَعَهَآ إِيمَـٰنُهَآ إِلَّا قَوْمَ يُونُسَ لَمَّآ ءَامَنُوا۟ كَشَفْنَا عَنْهُمْ عَذَابَ ٱلْخِزْىِ فِى ٱلْحَيَوٰةِ ٱلدُّنْيَا وَمَتَّعْنَـٰهُمْ إِلَىٰ حِينٍۢ)

د دې سورة نوم د يوه نبي پر نوم مسمی دئ. سيدنا يونس (عليه السلام).

يونس بن متی (عليه السلام) ډېر کريم او معزز نبي وو، چي الله (عزوجل) د خپل قوم د هدايت له پاره را استولی وو، ده مبارک (عليه السلام) خپل قوم ته نصيحت وکئ، د خير و لاري ته ئې هدايتول، د قيامت د ورځي په باب ئې بيان ور ته کوئ، د اور او جهنم د عذابه څخه ئې بېرول، د جنت قصې ئې ورته کولې، په نيکو کارونو ئې امر کول او د يوه الله (جل جلا له) و عبادت ته ئې را بلل. خپل قوم ته ئې نصيحت وکئ ليکن يوه نفر لا ايمان نه راوړئ. خو بيا چي کله ئې د عذاب نښي وليدلې، نو ئې ايمان راوړي او د دوی څخه بيرته الهي عذاب وګرځېدی.

الله (رب العزة) د نينيوا Nineveh) ) د ښار و خلګو ته خپل استازی ور واستوی چي بت پرستي پرېږدئ.

په سورة يونس کي لاندي موضوعات ذکر سوي دي

۱-  د ټولو کائيناتو او هر څه خالق يوازي الله (عزوجل) دئ.

۲-  مشرکين چي بغير د الله (سبحان و تعالی) څخه د نورو معبودانو عبادت کوي، هغه هيڅ واک او قدرت نه لري او حتی دغه بُتان په دې خبر لا نه دي چي موږ ته عبادت کيږي.

۳-  هر قوم او هر امت ته الله (تبارک و تعالی) رسول او نبي ور استولی دئ.

۴-  قرآن کريم د انسانانو د ستونزو او کړانو علاج دئ.

۵-  مشرکينو ته دا چلينج، چي د دې سورتونه په شان يو سورة را وړئ که تاسو پر حقه ياست.

۶-  د موسی (عليه السلام) قصه او د فرعون جسد د نمونې په ډول ساتل.

۷-  د سيدنا نوح (عليه السلام) قصه.

۸-  د عذاب د نښانو تر ښکاره کېدو وروسته د هيڅ قوم ايمان راوړل ګټه نه ده کړې بغير د حضرت يونس (عليه السلام) د قومه.

۹-  په زوره څوک اسلام ته نه سئ دعوتولای.

او نور... 

www.taleemulislam.net