لیکنه: ویس احمد ابراهيم / تعلیم الاسلام ویب پاڼه

د سورة الأحزاب لنډه پېژندنه 

سورة الأحزاب د تلاوت او مصحف په اعتبار ۳۳ سورة دئ، چي په مدينة منورة کي نازل سوی دئ.

سورة الاحزاب ۷۳ آية او ۹ رکوع لري.

د دې مبارک سورة نوم د ۲۰ شلم آية څخه اخستل سوی دئ، چي الله تعالی فرمايي: (يَحْسَبُونَ الْأَحْزَابَ لَمْ يَذْهَبُوا ۖ ….)

د احزاب معنی "فوج، ډله، لښکر" دئ.

نوموړی مبارک سورة په پنځم هجري کال کي نازل سوی دئ.

په دې کال درې ستري پېښي واقع سوي دي.

۱-  د خندق يا د الاحزاب غزاء؛ 

۲-  په بني قريظة (په مدينة منوره کي اباد يهودي قوم) باندي د مسلمانانو له خوا چاپه وهل؛ 

۳-  د سيدة زينب سره د رسول الله ﷺ نکاح. 

بي بي زينب (رضي الله عنها) د حضرت زيد بن حارث (رضي الله عنه) کوروالا وه، چي بيا ئې تر منځ طلاق واقع سو او وروسته بيا رسول اکرم ﷺ په نکاح کړل.

په سورة الأحزاب کي الله تعالی رسول الله ﷺ ته خطاب کوي خو مطلب ئې ټوله مؤمينان دي.

اې د الله نبي، د الله تعالی (له عذابونو څخه) تقوا اختيار که او د کفارو او منافقينو متابعت مه کوه. يقيناً چي الله (عزوجل) ډېر ښه پوهېږي او د پوره حکمت خاوند دئ.

د الله (رب العزة) د کلام (يعني د قرآن کريم) متابعت کوئ.

الله (جل جلا له) په هر څه ښه خبر دئ، او همدا ذات ستاسو کارسازه دئ، نو توکل مو پر الله (عزوجل) کئ.

www.taleemulislam.net