د (شعر او ادب) نورې ليکنې
تازه سرليکونه
بېلابېلې ليکنې
شعر: ولي دي خودرايه له وحدته سره ورانه ده؟
شاعر: محمد نسيم"نسيم"
وحدت
ولـــــــــــي دي خودرايه له وحدته سره ورانه ده؟
څنګه دي څــــــــــــــــرګنده له جنته سره ورانه ده؟
ته خــــــــــــــــو قرآني يې د شيطانه سره څه کوې؟
ستــــــــــــــــا پر څه د دين له محبته سره ورانه ده؟
ته وې چي رسول درته په ورور باندي ويلي وو
اوس خــــــــــــو دي د هغه شخصيته سره ورانه ده
ګرځــــــــې د پرديو افـــــــــــــسانو په مجالونو کي
داسي دي د خپل مســــــــــــــــئوليته سره ورانه ده
ته خو د بابا د امــــــــــــــــــــــــيدونو مرغلـــــــــره وې
نن دي د هـــــــــــــــــــــــــــغه بابا له پته سره ورانه ده
مه ځه د ذلـــــــــــــــت پر توره لاره بېګــــــــانه وو ته
کله د مســــــــلم له شــــــــــــــــجاعته سره ورانــه ده
نه ښـــــــــــــايي (نسيمه)! له مؤمنه سره چم د بل
هســــــــي د ســــــــړيو له ســــــــنته ســــــــره ورانه ده
تعلیم الاسلام مجله، ۱۵ ګڼه
ورته ليکنې:
تبصره
