نوراحمد قرانمل/ تعلیم الاسلام ویب پاڼه

غزل 

خدایه زړونه له امراضو را مرهم کړې
د نفاق ټغر مو ټول د دې عالم کړې

داده ستړو قافلې ته دمه ورکړې
پر رباط ستا درضا یې منسجم کړې

په سپين مخ چي هرمؤمن درته دریږي
د ایمان په نور مو ځوان او زوړ راجم کړې

د طوفان څپو اخیستې سرۍ کښتۍ مو
له ګردابه یې ګدر لره ور سم کړې

ډیر سول ستړي د نفاق په جزیرو کي
مسلمان مخکښان غونډ په یو کرم کړې

چي د زړو لار سي یوه هدف روښان دی
د سلفو په چوپړ قران مل دم کړې

www.taleemulislam.net