جبیر احمد مشهود/ تعلیم الاسلام ویب پاڼه

ځورېدلی ملت غواړي د خوښۍ ژوند

ځورېدلی ملت غواړي د خوښۍ ژوند
سر فِراز د حریت او ازادۍ ژوند

تنګ راغلی له جنګونو وحشتونو
غواړي نور ښه د ارام او سوکالۍ ژوند

که واړه دي که زاړه دي امن غواړي
خوښ یې نه دی د بدرنګې نا امنۍ ژوند

د نفاق بلاوي وژني جوړوي نور
په خپل منځ کي د وحدت او ورورولۍ ژوند

ترحُم ، شفقت ، میني ته اړتیاده 
دی زغملی مو شل کاله د سختۍ ژوند

په امان دي وي له بدو، بدو سترګو
دی روان د سعادت او نیکمرغۍ ژوند 

تغیر کړی دی حالاتو نور مشهوده
خپل وطن کې کړو ازاد د خپلواکۍ ژوند

www.taleemulislam.net