لیکنه او څېړنه: عبدالغفار جُبیر/ تعلیم الاسلام ویب پاڼه 

موسیقي په اسلام او ساینس کي

(۸)

موسيقي په قرآنکريم کي حرامه ده

۲:  أَزِفَتِ ٱلازِفَةُ لَيْسَ لَهَا مِن دُونِ ٱللَّهِ كَاشِفَةٌ أَفَمِنْ هَٰذَا ٱلْحَدِيثِ تَعْجَبُونَ وَتَضْحَكُونَ وَلَا تَبْكُونَ وَأَنتُمْ سَٰمِدُونَ (سورت النجم: ۵۷- ۶۲)

ژباړه: نژدې کېدونکی قیامت رانژدې شو، پرته د  الله جل جلاله څخه هیڅوک هغه ښکاره کولای نه شی، ایا نو له دې خبري تعجب کوئ؟ او خاندئ او نه ژاړئ او په سندرو ږغولو د هغه مخه نیسی.

دلته په قران عزیز کي توری د(سامدون) راغلی دی، امام ابوعبیده رحمة الله علیه وايي چي په یمنی لهجه کي (سمود) و غزل ویلو ته وايي. ( تفسیر روح المعانی، علامه الوسی رحمة الله علیه بیروت، ۱۹۸۳، د حضرت عکرمه قول حضرت امام بخاری رح (صحیح بخاری ج۲، ص: ۲۷۰) هم  رانقل کړیدی چي (سمود) و غزل ویلو ته وايي.)

د عربی ژبي نړیوال ماهره او تکړه عالم او د علم اللغة نابغه علامه ابن منظور  رحمة الله علیه په خپل کتاب (لسان العرب) کي لیکي: د عبدالله ابن عباس رضی الله عنه څخه روایت دی چي (سمود) و غزل ویلو ته وايي او دا لفظ له اره (اصله) څخه یمني دئ او په یمن کي دوی وايي (اسمد علينا)یعنی و موږ ته غزل و وایاست. (روی عن ابن عباس رض انه قال السمود الغناء لغة حمیر یقال اسمدی لنا غنی لنا و یقال للقینة اسملینا ای الهینا بالغناء ( اخرجه عبدالرزاق والبزار و ابن جریر والبهیقی – روح المعانی . (لسان العرب، علامه ابن منظور الافریقی، ۱۳۰۴هج)
د حضرت ابن عباس رضی الله عنه مطابق (سامدون) د عربو هغه ډله خلک دي چي د قرانکریم په خلاف غزلي وايي. (تفسیر ابن کثیر)

ددې مبارک ایات په تفسیر کي په تفسیر ابن کثیر کي راغلي دي:

و قوله تعالی : ( و انتم سامدون)، قال سفیان الثوری، عن ابیه عن عکرمة عن ابن عباس قال: الغناء، هی یمانیة، اسمدلنا، غن لنا، و کذا قال عکرمة.( تفسیر ابن کثیر، ج: ۶، ص: ۳۸/ للامام الحافظ ابی الفداء اسماعیل ابن کثیر القرشی الدمشقی (۷۰۱- ۷۷۴ هق) تحقیق عبدالرزاق المهدی. ط: مکتبه رشیدیه.)

نور بیا...

www.taleemulislam.net