لیکنه: عبدالقیوم مینه وال/ تعلیم الاسلام ویب پاڼه

يوه خبر درې مغزونه

يوه فيليسوف وويل: طبعيت د ښکلا ګانو مجموعه ده.           

                                                                                      
  دوهم وويل: ښکلا تر طبعيت لوړ مقام لري.

  دريم وويل: زه د دواړو لپاره يو فکر کوم او دواړه د يوې هستۍ دوه تصويره ګڼم.

لومړي وويل: د ګلاب نازک او له رنګنيو ډک وجود او د ازغيو تېرې او درد وونکي څوکي، د دواړو هستي يوه ده او د ژوند لار يې تر يوې چينې رسېدلې ده.                                       

                                                                        
   دوهم وويل: د کائيناتو هره هستي يو پيل او پای لري. د ګلاب او اغزي پيل يو دی دواړه له يوې مځکي راټوکيږي خو د ګلاب پايله د عطرونو څوڅاکي سي او د اغزيو پايله له څو سوځونکو لمبو وروسته په تور دود او تورو ايرو واوړي.                                                                                                                                                          
     دريم وويل: د کاڼو کلک او ډبرين وجود او نه بهېدونکی خاصيت موږ ته د جبر فلسفه راښيي او  د اوبو نرم وجود، حياتي او بهېدونکی خاصيت موږ  د اختيار په فلسفه پوهوي. که اوبه په ډنډ کي و دريږي او د بهېدلو لاره يې نه وي د بهېدلو او حياتي خاصيت ورڅخه نه ځي مګر په نه بهېدلو سره ورو ورو ورکيږي او که څوک لاره ور کړي او په لښتيو يې سمي کړي . د اوبو دغه حرکت مړو بوټو ته ژوند ور کوي او وچي مځکي زرغونې کوي . 

لومړي وويل: هغه درد چي د مار له چيچلو وروسته پيداکيږي ښه دی تر هغي خوښۍ چي د ګلابونو پر بستر او د عطرونو له وږم سره تيريږي. ځکه: په دښت کي ولاړ ګل د لمر ‌‌ډيرو تودوخو او ډيرو توپانونو ته غېږه ور کوي خو ماته نه مني مګر د سيوري ګل لږ تودوخه هم نه مني او د پاسته نسيم په حرکت سره هم پاڼي پاڼي سي. 

دوهم وويل: ‌ډېر ستړی انسان په لږ ستړيا سره نه ماتيږي او ډېري هوسايي ته لږ ستړيا هم مرګ وي. 

دريم وويل: د اوړي په تودوخه کي د لمرتيزي وړانګي او ګرم بادونه يو ګوچنی غرهم نسي ويلي کولای او نه يوه وړه شکه ماتولای سي مګر لږ ګرمي، سيندونه- سيندونه ډنډ اوبه محوه کوي او ورکوي يې.

www.taleemulislam.net